سیلابی صورتحال، پنجاب پبلک سروس کمیشن نے مختلف بھرتیوں کے امتحانات ملتوی کر دیئے۔

پنجاب پبلک سروس کمیشن کی جانب سے امتحانات ملتوی

لاہور (ڈیلی پاکستان آن لائن) پنجاب پبلک سروس کمیشن نے سیلابی صورت حال کو مدنظر رکھتے ہوئے مختلف بھرتیوں کے امتحانات ملتوی کر دیئے ہیں۔

یہ بھی پڑھیں: وزیراعلیٰ مریم نواز کی زیر صدارت محرم الحرام کے انتظامات کے حوالے سے خصوصی اجلاس، اہم فیصلے، فوری ہنگامی پلان طلب

اجلاس کی تفصیلات

ترجمان ڈپٹی ڈائریکٹر سید کاظم مقدس کاظمی کا کہنا ہے کہ امتحانات ملتوی کرنے کا فیصلہ چیئرمین پی پی ایس سی لیفٹیننٹ جنرل ریٹائرڈ محمد عبدالعزیز کی زیر صدارت اجلاس میں ہوا۔ سیکرٹری پی پی ایس سی افضال احمد، ممبر ایگزام مرزا سہیل عامر اور انچارج ایگزامینیشن رانا راحت آمین بھی اجلاس میں موجود تھے۔

یہ بھی پڑھیں: آدمی زندہ مرغی نگل گیا، ہوا اور خوراک کی نالیاں بند ہونے سے موت ہوگئی

امیدواروں کو آگاہی

ترجمان کا کہنا ہے امیدواروں کو نئی تاریخوں سے ایس ایم ایس، ای میل اور ویب سائٹ کے ذریعے آگاہ کیا جائے گا۔ ملتوی کئے گئے امتحانات 30 اور 31 اگست کو ہونا تھے، جن میں 434 آسامیوں کے لیے 8 ہزار سے زائد امیدواروں نے شرکت کرنا تھی۔

امتحانات کی فہرست

ملتوی ہونے والے امتحانات میں انسپکٹر لیگل (اسپیشلسٹ کیڈر) پنجاب پولیس اور دیگر آسامیاں شامل ہیں۔ پنجاب بھر سے مختلف علاقوں سے امیدوار امتحانات میں شریک ہونے والے تھے۔ امتحانات کی نئی تاریخوں کا اعلان بعد میں کیا جائے گا۔