آصف علی کی انٹرنیشنل کرکٹ سے ریٹائرمنٹ، شاداب اور سرفراز نے کیا کہا؟

آصف علی کی ریٹائرمنٹ کا اعلان

لاہور(ڈیلی پاکستان آن لائن) قومی کرکٹ ٹیم کے جارحانہ بلے باز آصف علی نے یکم ستمبر کو بین الاقوامی کرکٹ سے ریٹائرمنٹ کا اعلان کیا جس کے بعد ان کے ساتھی کرکٹرز نے ان کے لیے نیک خواہشات کا اظہار کیا۔

یہ بھی پڑھیں: اے سی سی اجلاس ڈھاکا میں منعقد کرنے پر بھارت کا اعتراض، وجہ سامنے آگئی

آصف علی کی شکرگزاری

آصف علی نے کہا کہ میرے مداحوں، ساتھی کھلاڑیوں اور کوچز کا شکریہ جنہوں نے ہر اچھے برے وقت میں میری حوصلہ افزائی کی۔ میں اپنے اہلخانہ اور دوستوں کا بھی شکر گزار ہوں جنہوں نے خوشی کے لمحوں اور سخت آزمائشوں خاص طور پر ورلڈکپ کے دوران پیاری بیٹی کی وفات جیسے وقتوں میں مجھے سنبھالا۔ آپ کی طاقت نے مجھے آگے بڑھنے کی ہمت دی۔

یہ بھی پڑھیں: یہ پاکستان کی تاریخ کا بڑا المیہ ہے کہ لیاقت باغ میں 2 وزرائے اعظم کو مجمع عام میں شہید کیا گیا مگر آج تک قاتل بے نقاب نہ ہو سکے، سراج الحق

آنے والی منصوبہ بندی

آصف علی کا کہنا تھا کہ میں انشا اللہ اپنا شوق جاری رکھتے ہوئے ڈومیسٹک اور لیگ کرکٹ کھیلتا رہوں گا۔

یہ بھی پڑھیں: بھارت کے خلاف پاکستانی میزائلوں کی کامیابی نے امریکی میزائل پروگرام کو تیز کردیا

ساتھی کرکٹرز کی نیک خواہشات

آصف علی کی ریٹائرمنٹ پر شاداب نے سٹوری پوسٹ کی جس میں انہوں نے لکھا 'آپ کو ریٹائرمنٹ مبارک ہو، زندگی کے اگلے سفر کے لیے آپ کے لیے نیک خواہشات کا اظہار کرتا ہوں'۔

اس کے علاوہ سرفراز نے بھی سٹوری پوسٹ کی جس میں انہوں نے لکھا 'شاندار کیرئیر پر آصف آپ کو مبارک ہو، آپ کی آنے والی زندگی بہت کامیاب رہے'۔

آصف علی کی کرکٹ کیریئر

واضح رہے کہ آصف علی نے 21 ایک روزہ اور 58 ٹی ٹوئنٹی انٹرنیشنل میں پاکستان کی نمائندگی کی۔ انہوں نے پاکستان کے لیے آخری انٹرنیشنل میچ 2023 میں کھیلا تھا۔