پھالیہ،سیلابی پانی میں ٹک ٹاک بناتے ہوئے نوجوان ڈوب کر جاں بحق

پھالیہ میں ٹک ٹاک کا جنون

پھالیہ (ڈیلی پاکستان آن لائن) پھالیہ میں ٹک ٹاک کا جنون نوجوان کی جان لے گیا۔ سیلابی پانی میں ویڈیو بناتے ہوئے، ایک نوجوان گہرے پانی میں ڈوب کر جاں بحق ہوگیا۔

یہ بھی پڑھیں: پاک فوج کے شانہ بشانہ کھڑے ہیں: سکھ کمیونٹی کا مودی کو پیغام

اویس کی کہانی

پولیس کے مطابق اویس نامی ٹک ٹاکر سیلابی پانی میں جاکر ویڈیوز بناتا تھا، جس سے اس کو ٹک ٹاک پر شہرت ملنا شروع ہوئی۔ اویس کے 1 لاکھ 64 ہزار فالور جبکہ 1.16 ملین لائکس تھے۔ اویس نے فالورز اور لائکس کو بڑھانے کے لیے اپنی زندگی داؤ پر لگا دی۔

حیاتی کا آخری لمحہ

حالیہ سیلاب پر بنائی گئی ویڈیوز پر لاکھوں لائکس اور ویوز آتے تھے۔ اویس ویڈیو بناتے بناتے گہرے پانی میں چلا گیا، جس سے یہ ویڈیو اس کی آخری ثابت ہوئی اور وہ گہرے پانی میں ڈوب گیا۔ ریسکیو1122 نے لاش نکال کر لواحقین کے حوالے کردی۔