بلاول بھٹو زرداری کا سیلاب سے کسانوں کے نقصان پر وزیراعظم سے زراعی ایمرجنسی نافذ کرنے کا مطالبہ

قصور (ڈیلی پاکستان آن لائن) چیئرمین پاکستان پیپلزپارٹی بلاول بھٹو زرداری کا کہنا ہے کہ کسان سیلاب کی وجہ سے رُل گئے ہیں، وزیراعظم زرعی ایمرجنسی کا اعلان کریں۔

یہ بھی پڑھیں: مسجد، مدرسہ اور قرآن کے طلباء کے لئے’ قرآن ریکارڈ‘

سیلاب متاثرہ علاقوں کا دورہ

بلاول بھٹو زرداری نے پنجاب کے ضلع قصور کے سیلاب متاثرہ علاقوں اور تلوار پوسٹ فلڈ ریلیف کیمپ کا دورہ کیا، جہاں انہوں نے سیلاب متاثرین سے ملاقات کی۔

یہ بھی پڑھیں: جنرل (ر) باجوہ کے خلاف نہ تو کوئی تحقیقات ہو رہی ہیں اور نہ ہی کوئی کارروائی زیرِ عمل ہے، انصار عباسی کا ذرائع کے حوالے سے دعویٰ

میڈیا سے گفتگو

میڈیا سے گفتگو کرتے ہوئے اُن کا کہنا تھا کہ سیلاب سے پنجاب میں زیادہ نقصان ہوا ہے۔ یہاں بہت سے علاقوں میں تباہی نظر آرہی ہے، وفاق اور صوبائی حکومتوں کو عوام کی مدد کرنی چاہیے۔ صوبائی حکومت سیلاب میں بہت محنت کررہی ہے، وزیر اعلیٰ پنجاب مریم نواز اپنی ٹیم سمیت دن رات بہت محنت کررہی ہیں۔ ہم سب کو سیلاب متاثرین کا بھرپور ساتھ دینا چاہیے، کیونکہ زراعت ملک کی معیشت میں ریڑھ کی ہڈی کا کردار ادا کرتی ہے۔

یہ بھی پڑھیں: لاپتہ افراد کا مسئلہ ہمیشہ کے لئے ختم کریں گے، ہمارا منشور دہشت گردی کو روکنا ہے، وزیراعلیٰ بلوچستان سرفراز بگٹی

زرعی ایمرجنسی کا مطالبہ

بلاول بھٹو زرداری نے کہا کہ کسان سیلاب کی وجہ سے رُل گئے ہیں، اور وزیراعظم سے مطالبہ کیا کہ زرعی ایمرجنسی لگانے کا اعلان کیا جائے۔ ہم سب مل کر قدرتی آفت کا مقابلہ کریں گے۔

بھارت کی انسانی جانب داری کا فقدان

انہوں نے کہا کہ بھارت انسانیت بھی بھول گیا ہے، سیلاب سے متعلق پاکستان سے معلومات شیئر نہیں کر رہا، اور بھارت نے سندھ طاس معاہدے کی خلاف ورزی کی ہے۔