وزیراعلیٰ مریم نواز نے لاہور ایئرپورٹ سے غزہ کے عوام کیلئے امدادی سامان روانہ کیا

وزیر اعلیٰ کا امدادی سامان روانہ کرنا

لاہور (ڈیلی پاکستان آن لائن) وزیر اعلیٰ مریم نواز نے لاہور ائیرپورٹ سے غزہ کے عوام کے لیے امدادی سامان روانہ کیا۔ پاکستان کی جانب سے اہل غزہ کیلئے 100 ٹن خوراک بھیجی جارہی ہے۔ پاکستان سے 32 فوڈ آئیٹم اہل غزہ کو بھجوائے جارہے ہیں۔

پاکستان کا فلسطینی عوام کے ساتھ اظہار یکجہتی

وزیراعلیٰ مریم نواز نے کہا کہ پاکستان کے عوام کے دل فلسطینیوں کے ساتھ دھڑکتے ہیں۔ غزہ کے بے گناہ مسلمانوں پر مظالم سے ہر حساس دل مضطرب ہے۔ امدادی سامان اہل پاکستان کی طرف سے غزہ کے عوام کے لیے پیغام محبت ہے۔