تحریک انصاف کا کوئی لیڈر لاہور میں نظر نہیں آیا، عالیہ حمزہ کی آڈیو لیک ہوئی
پاکستان تحریک انصاف کا احتجاج
لاہور (ویب ڈیسک) پاکستان تحریک انصاف نے گزشتہ روز احتجاج کی کال دی تھی لیکن مبینہ طورپر لاہور سے کوئی لیڈر باہر نہیں آیا۔ اس سلسلے میں عالیہ حمزہ کی مایوس کن آڈیو لیک سامنے آئی ہے۔
یہ بھی پڑھیں: اقوام عالم دہشت گردی کے خلاف جنگ میں بلاتاخیر پاکستان کا ساتھ دے: محسن نقوی
عالیہ حمزہ کی آڈیو کا مواد
آڈیو میں ان کا کہنا تھا: 'میں نے سارا کچھ دیکھا ہے، میں خود اسی لیے موجود تھی کہ اب لوگوں کے ساتھ زیادتی نہ ہو۔ قیادت بھی کچھ اس طرح کرتی ہے تو کم از کم میں اپنے لوگوں کے ساتھ کھڑی ہوں گی۔ میں یہ کھلے عام کہہ رہی ہوں کہ ہمارے اراکین صوبائی اسمبلی مجھے کہیں نظر نہیں آئے، کس نے کہاں لیڈ کیا؟ مجھے صرف ویڈیوز دکھا دیں کہ مینار پاکستان پر رضوان کی ٹیم، یوتھ ونگ کے زوہیب اور آپ لوگوں کے علاوہ کون تھا؟ ٹیمیں کہاں تھیں؟'
یہ بھی پڑھیں: سیف اللہ ابڑو کا نام ای سی ایل سے نکالنے کی درخواست پر وزارت داخلہ کو 30 دن میں فیصلہ کرنے کا حکم
عالیہ حمزہ کے خیالات
ان کا مزید کہنا تھا: 'میں تو ٹیم پر یقین رکھتی ہوں، اگر ایک یونین کونسل کا بندہ پچاس لوگ نہیں نکال سکتا، تو 41 یونین کونسلز کا مطلب ہے کہ دو یا ڈھائی ہزار بندہ تو این اے 118 سے صرف ہوجاتا۔ صرف ورکر لڑا، کوئی لیڈر سامنے نہیں آیا۔ کسی کو اچھا لگے یا برا، یہ اپ سیٹنگ تھا، یہ خان کی کال تھی۔'
