جنرل (ر) فیض حمید نے کالعدم ٹی ٹی پی کے سربراہ نور ولی محسود کو بلٹ پروف گاڑی تحفے میں دی، خواجہ آصف

خواجہ آصف کا انکشاف

اسلام آباد (ڈیلی پاکستان آن لائن) وزیر دفاع خواجہ آصف نے انکشاف کیا ہے کہ جنرل (ر) فیض حمید نے کالعدم ٹی ٹی پی کے سربراہ نور ولی محسود کو بلٹ پروف گاڑی تحفے میں دی۔

یہ بھی پڑھیں: ایران سے پاکستانی شہریوں کا انخلا جاری، 377 وطن پہنچ گئے

جنرل فیض کا منصوبہ

نجی ٹی وی ہم نیوز کے پروگرام میں گفتگو کرتے ہوئے انہوں نے کہا کہ جنرل فیض دہشت گردوں کی پاکستان واپسی کے منصوبے کے خالق تھے۔ اس منصوبے میں جنرل باجوہ اور عمران خان بھی شامل تھے۔ منصوبے کی تکمیل کے لیے جنرل فیض کو کور کمانڈر پشاور لگایا گیا۔ پی ڈی ایم حکومت کے دوران جنرل باجوہ آرمی چیف تھے جبکہ جنرل فیض کور کمانڈر پشاور برقرار رہے۔ جنرل فیض نے دہشت گردوں کو پاکستان واپس ٹرانسپورٹ کیا اور ان میں سے ایک کو بلٹ پروف گاڑی تحفے میں دی۔ یہ سب دہشت گرد پی ٹی آئی دور میں واپس آئے۔

یہ بھی پڑھیں: پیٹرول کی قیمت میں 150 اور ڈیزل میں 250 روپے اضافہ روکا گیا، ہم سب کو بچت کے حوالے سے لائحہ عمل بنانا ہوگا: عطاء تارڑ

افغان حکومت کا کردار

انہوں نے کہا کہ افغان حکومت کو تھوڑی خود داری کا مظاہرہ کرنا چاہیے اور اپنے لوگوں کو واپس لے جانا چاہیے۔ 40 لاکھ افغانی پاکستان میں کیا کر رہے ہیں؟ اگر انہیں اپنے ملک نہیں لے جانا تو بھارت بھیج دینا چاہیے کیونکہ کرایہ بھی کم لگے گا۔ یہ محسن کش لوگ ہیں، جتنے افغانستان میں بڑے بڑے نام اور حکمران ہیں یا تھے وہ پاکستان میں پناہ گزین رہے۔ ان حکمرانوں کی فیملیز بھی اس وقت پاکستان میں ہیں۔ پاکستان کیوں ان کا بوجھ اٹھا رہا ہے؟

خواجہ آصف کی تشکیل نو

خواجہ آصف کا کہنا تھا کہ وہ تسلیم کرتے ہیں کہ انہوں نے امریکی انخلا کے بعد افغانستان کے بارے میں کہا تھا کہ "طاقتیں تمہاری ہیں اور خدا ہمارا ہے۔" یہ اس وقت میرے جذبات تھے، مگر جو تین سالوں میں انہوں نے ہمارے ساتھ کیا ہے، اب ہمیں اپنے جذبات کو درست کرنا ہے۔