سیلاب متاثرین کی مدد کے لیے دنیا کے سامنے ہاتھ نہیں پھیلائے، عوام کی عزت نفس کا خیال رکھا: وزیر اعلیٰ مریم نواز

اوکاڑہ میں مریم نواز کا خطاب

اوکاڑہ (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ سیلاب متاثرین کی مدد کے لیے ہم نے کوئی رونا دھونا نہیں مچایا اور نہ ہی کسی سے کوئی مدد مانگی ہے۔ دنیا کے سامنے ہاتھ نہیں پھیلائے، پنجاب کی عوام کی عزت نفس کا خیال رکھا۔

یہ بھی پڑھیں: بیوی کو بوسہ دینے کی ویڈیو پر فیصل قریشی کو سوشل میڈیا صارفین کی تنقید کا سامنا

بحالی کا اعلان

اوکاڑہ میں سیلاب متاثرین میں فلڈ کارڈ کی تقسیم کی تقریب سے خطاب کرتے ہوئے مریم نواز نے کہا کہ آج سے سیلاب متاثرین کی باقاعدہ بحالی کا اعلان ہورہا ہے، سیلاب متاثرین کا 70 فیصد سروے مکمل ہوگیا ہے۔ جب تک متاثرین کا شفاف سروے نہیں کرلیں گے چین سے نہیں بیٹھیں گے۔ آج سے 15 اضلاع میں سیلاب متاثرین کو چیک کی تقسیم شروع ہورہی ہے۔ 100 ارب روپے سیلاب متاثرین کے لیے رکھے ہیں، متاثرین کے علاوہ کسی کو ایک پیسہ نہیں ملے گا، میں نے کرپشن کے تمام راستے بند کردیئے ہیں۔

عزت نفس کا خیال

وزیراعلیٰ پنجاب کا کہنا تھا کہ متاثرین کی مدد کے لیے میں نے باہر کی دنیا کے سامنے ہاتھ نہیں پھیلائے، کسی سے کوئی مدد نہیں مانگی۔ میں نے پنجاب کی عوام کی عزت نفس کا خیال رکھا، میرے ہوتے ہوئے آپ کو کوئی میلی آنکھ سے نہیں دیکھ سکتا۔