کراچی میں اسکول وین میں آگ لگ گئی، 6 بچے جھلس کر زخمی

کراچی میں سکول وین میں آتش زدگی

کراچی(ڈیلی پاکستان آن لائن) کراچی کے علاقے ناظم آباد میں سکول وین میں آگ لگنے سے 6 بچے جھلس کر زخمی ہوگئے۔

یہ بھی پڑھیں: امریکا کا کیریبین میں منشیات بردار کشتی پر نیا حملہ، 6 ہلاک

واقعے کی تفصیلات

نجی ٹی وی سما نیوز کے مطابق پولیس کا کہنا ہے کہ واقعہ صبح ساڑھے 7 بجے کے قریب پیش آیا تھا، آگ سکول کے لئے استعمال ہونے والی ہائی روف گاڑی میں لگی۔ اہل محلہ نے بروقت آگ پر قابو پایا۔

زخمی بچوں کی حالت

ریسکیو حکام کے مطابق آگ لگنے سے 6 بچے جھلس کر زخمی ہوگئے، جنہیں عباسی شہید ہسپتال منتقل کیا گیا۔ علاقہ مکینوں نے بروقت آگ بجھائی جس کی وجہ سے بڑے نقصان سے بچ گئے۔