چوہدری سالک حسین کی عمان کے وزیر لیبر ڈاکٹر مہاد بن سعید بن علی باوین سے ملاقات، مزید ویزوں کے اجرا سے متعلق تبادلہ خیال

عمان سٹی (سٹاف رپورٹر) وفاقی وزیر برائے سمندر پار پاکستانیز چوہدری سالک حسین نے عمان کے وزیر لیبر ڈاکٹر مہاد بن سعید بن علی باوین سے اہم ملاقات کی ہے جس دوران پاکستان سے عمان میں پاکستانیوں کو مزید ویزوں کے اجراء پر بات چیت کی گئی۔

یہ بھی پڑھیں: قومی اسمبلی میں اپوزیشن اراکین بانی پی ٹی آئی کے پوسٹرز لے آئے۔

ویزوں کے اجراء پر بات چیت

چوہدری سالک حسین کا اس موقع پر کہنا تھا کہ عمان نے ہنر مند، نیم ہنر مند اور غیر ہنر مند افرادی قوت کی برآمد میں تعاون کی یقین دہانی کرائی، گلف اور یورپی ممالک میں پاکستانی ہنرمندوں کے لیے روزگار کے دروازے کھل رہے ہیں۔ کویت، قطر، سعودی عرب کے بعد عمان میں پاکستانی ہنرمندوں کی ڈیمانڈ بڑی کامیابی ہو گی۔

پاکستان اور عمان کے تعلقات

انہوں نے مزید کہا کہ دونوں ممالک کے قریبی تعلقات ہیں، پاکستانی عمان کی ترقی میں اہم کردار ادا کر رہے ہیں۔