پنجاب بھر کے سکولوں کے اوقات کار تبدیل
نئے سکولز کے اوقات کار
لاہور(ڈیلی پاکستان آن لائن) پنجاب بھر کے سرکاری و نجی سکولز کے نئے اوقات کار جاری کر دیئے گئے ہیں اور عملدرآمد نہ کرنے والوں پر جرمانہ بھی عائد کیا جائے گا ۔
یہ بھی پڑھیں: مسئلہ فلسطین کا مستقل حل انتہائی ناگزیر ہے: فرید پراچہ
اسکول کھلنے کے نئے اوقات
ڈی جی ماحولیات پنجاب عمران حامد شیخ کے مطابق پنجاب بھر کے سرکاری و نجی سکولز صبح 8 بج کر 45 منٹ سے پہلے نہیں کھلیں گے، خلاف ورزی پر 5 لاکھ سے 10 لاکھ روپے تک جرمانہ ہوگا۔ لاہور اور گردونواح میں خطرناک حد تک بڑھتی سموگ کے باعث سکول اوقات میں تبدیلی کا حکم جاری کیا گیا ہے ۔
جرمانے کی تفصیلات
ڈی جی ماحولیات کا کہنا تھا کہ خلاف ورزی کرنے والے سکولز پر پہلی بار 1 سے 5 لاکھ اور دوبارہ خلاف ورزی پر 10 لاکھ تک جرمانہ کیا جائے گا۔ حکم نامہ 31 جنوری 2026 تک نافذ رہے گا، ماحولیاتی تحفظ کے لیے سخت اقدامات جاری ہیں۔ 19 سے 30 اکتوبر تک لاہور میں ایئر کوالٹی انڈکس 300 سے 400 تک پہنچا۔
