پیپلز پارٹی نے کراچی کی نوکریوں پر قبضہ کر رکھا ہے، شہر کو لوٹ مار سے آزاد کرائیں گے: حافظ نعیم

کراچی میں سڑکوں کی حالت اور ای چالان

کراچی (ڈیلی پاکستان آن لائن) امیر جماعت اسلامی پاکستان حافظ نعیم الرحمان کا کہنا ہے کہ شہر میں سڑکیں بنی ہوئی نہیں ہیں لیکن شہریوں کو ہزاروں کے ای چالان آ رہے ہیں، ہم لوٹ مار اور قبضے کے نظام سے شہر کو آزادی دلائیں گے۔

یہ بھی پڑھیں: بار بار بیان بازی طاقت کی نہیں، واضح اسٹریٹجک اضطراب کی عکاسی ہے، پہلگام فالس فلیگ آپریشن کی برسی قریب آرہی ہے,وزیر دفاع خواجہ آصف

ترقیاتی کاموں کا آغاز

نجی ٹی وی چینل جیو نیوز کے مطابق ایک تقریب سے خطاب میں حافظ نعیم الرحمان کا کہنا تھا کہ کراچی میں جماعت اسلامی کے منتخب اراکین اپنی بساط سے زیادہ کام کر رہے ہیں، اور کریں گے، ایک مرتبہ پھر 9 ٹاؤنز میں ترقیاتی کاموں کا سلسلہ دوبارہ شروع ہو گیا ہے۔

یہ بھی پڑھیں: بھارت کے پاس پانی روکنے یا بہاؤ میں تبدیلی کا کوئی جواز نہیں: کمشنر انڈس واٹر

شہری مسائل اور ناکافی بنیادی ڈھانچہ

ان کا کہنا تھا کہ مرتضیٰ وہاب کے کام بھی ان کو دیکھنے پڑتے ہیں، ایس تھری منصوبہ کہاں گیا؟ شہر میں ٹرانسپورٹ نہیں ہے، سڑکیں بنی نہیں ہیں اور ای چالان ہزاروں میں آرہا ہے۔ کراچی سرکلر ریلوے نہیں بن رہا ہے، ریڈ لائن نے یونیورسٹی روڈ کا برا حال کر رکھا ہے، اورنج لائن میں بھی پورے اورنگی کو کور نہیں کیا گیا۔

یہ بھی پڑھیں: کسٹمز میں بڑے پیمانے پر بے ضابطگیوں اور ٹیکس چوری کا انکشاف، 100 ارب روپے کا نقصان

قبضہ کی سیاست اور مہنگے ای چالان

حافظ نعیم الرحمان کا کہنا تھا کہ کراچی میں قبضے کی سیاست جاری ہے۔ گاؤں اور دیہات پر قبضے کے بعد شہروں پر قبضہ کر لیا گیا ہے، لاہور میں جو چالان 200 روپے کا ہے، سندھ میں 5 ہزار روپے کا ہے، یہ کیا ڈرامہ ہے؟ سڑکیں ٹھیک نہیں ہیں اور مہنگے ای چالان کیے جا رہے ہیں۔ ہم لوٹ مار اور قبضے کے نظام سے کراچی شہر کو آزادی دلائیں گے۔

یہ بھی پڑھیں: وزیر تعلیم کا ہر ہفتے ایک کالج، یونیورسٹی میں بلڈ کیمپ لگانے کا اعلان

بلدیاتی انتخابات اور اختیارات کی کمی

انہوں نے کہا کہ بلدیاتی انتخابات میں پیپلز پارٹی کی سیٹوں میں من پسند حلقہ بندیوں کی وجہ سے اضافہ ہوا۔ پیپلز پارٹی نے دھاندلی کرکے اپنا میئر بنایا۔ بلدیاتی انتخابات جیت کر لوگ کہتے تھے کہ اختیارات ملیں گے، نہیں تو کام کیسے کریں گے؟ ابھی تک پیپلز پارٹی نے ٹاؤن کو اختیارات منتقل نہیں کیے۔

یہ بھی پڑھیں: سابق بھارتی کرکٹر کی فلموں میں انٹری

سندھ حکومت کے کام اور شہر کی حالت

امیر جماعت اسلامی کا کہنا تھا کہ کچرا اٹھانے کے اختیارات بھی سندھ حکومت کے پاس ہیں، گھر سے جو کچرا اٹھایا جاتا ہے، اس کے پیسے لوگ خود ادا کرتے ہیں۔ سالڈ ویسٹ منیجمنٹ کے پاس گھر سے کچرا اٹھا کر لینڈ فیلڈ سائٹ تک پہنچانے کا پورا میکنزم موجود ہے۔

یہ بھی پڑھیں: 57 سالہ ارباز خان اور اہلیہ شورا کے گھر جلد بچے کی پیدائش کی خبریں زیر گردش

دباؤ اور ترقیاتی کام

انہوں نے کہا کہ ٹاؤنز کو کام کرنے سے روکا جا رہا ہے، سٹی وارڈنز کو استعمال کرکے کام میں روڑے اٹکائے جا رہے ہیں۔ جماعت اسلامی اپنے ٹاؤن میں اختیارات سے بڑھ کر کام کر رہی ہے۔ جماعت اسلامی کے تحت تعمیر و ترقی کا سلسلہ شروع ہوگیا ہے. نارتھ ناظم آباد میں کچھ بلاک کے لوگ شکایت کر رہے ہیں، ٹاؤن چیئرمین وہاں پر بھی کام کریں، شہر کی اونر شپ لیں۔

یہ بھی پڑھیں: عمران خان کے آفیشل ایکس اکاؤنٹ سے کارکنان کی ہلاکت کی ویڈیوز ڈیلیٹ کردی گئیں

پیپلز پارٹی کی ناکامیاں

ان کا کہنا تھا کہ 12 سے 15 سال سے کراچی کے بڑے منصوبے تاخیر کا شکار ہیں۔ 15 سالوں میں پیپلز پارٹی نے کراچی کے لیے کچھ نہیں کیا۔ سیوریج کا نظام بھی ٹاؤن کو دیکھنا پڑ رہا ہے۔

یہ بھی پڑھیں: بلوچستان میں بھارتی پراکسیز دہشت گردی میں ملوث ہیں: دفتر خارجہ

جماعت اسلامی کی مستقبل کی حکمت عملی

امیر جماعت اسلامی کا کہنا تھا کہ پیپلز پارٹی نے کراچی کی نوکریوں پر قبضہ کر لیا ہے، کراچی کے نوجوانوں کو روزگار سے دور کر دیا گیا ہے۔

یہ بھی پڑھیں: ہماری صنعت میں ٹیلنٹ کی بجائے ظاہری خوبصورتی کو اہمیت ملتی ہے: عدنان شاہ ٹیپو

تعلیم کا حق

حافظ نعیم الرحمان کا کہنا تھا کہ تعلیم خیرات نہیں، یہ ہمارے بچوں کا حق ہے۔ جنریشن زی دنیا میں انقلاب لا رہی ہے، اسی جنریشن زی کو مایوس کیا جا رہا ہے۔ اگر یہ مایوس ہوگئی تو غلط راہ پر لگے گی، جماعت اسلامی بنو قابل پروگرام کے ذریعے جنریشن زی کو باصلاحیت بنا رہی ہے۔

حکومت سے مطالبات

انہوں نے کہا کہ حکومت سے کہنا چاہتا ہوں کہ ہمیں کام کرنے دو، قبضہ کی سیاست اور کرپشن بند کرو۔ جماعت اسلامی تیاری کر رہی ہے۔ اگر لوگ ہمارے ساتھ نکلے تو آپ کو جانا ہو گا۔