پیپلزپارٹی صوبوں کو مضبوط دیکھنا چاہتی ہے، ایسے کسی پروپوزل کی حمایت نہیں کرسکتے جس سے صوبوں کے اختیارات واپس لیے جائیں،شازیہ مری

پیپلز پارٹی کی صوبائی خود مختاری کے دفاع کی یقین دہانی

اسلام آباد(ڈیلی پاکستان آن لائن) پاکستان پیپلز پارٹی پارلیمنٹرینز کی سیکرٹری اطلاعات شازیہ مری کا کہنا ہے کہ پیپلزپارٹی صوبوں کو مضبوط دیکھنا چاہتی ہے، ایسے کسی پروپوزل کی حمایت نہیں کرسکتے جس سے صوبوں کے اختیارات واپس لیے جائیں۔

یہ بھی پڑھیں: سانحہ سوات: خیبر پختونخوا حکومت نے بلآخر ہنگامی صورتحال کیلئے ڈرون حاصل کرلیا

میڈیا کے سامنے پیپلز پارٹی کا مؤقف

میڈیا سے گفتگو کرتے ہوئے انہوں نے کہا کہ پیپلزپارٹی صوبوں کو دیے گئے اختیارات کبھی واپس نہیں لے سکتی۔ اگر آئینی ترمیم میں ایسی کوئی چیز ہے جس سے نظام میں بہتری آسکتی ہے تو ہم اس کی حمایت کریں گے۔ اگر ترمیم میں ایسی کوئی چیز ہے جس سے لوگوں کو ریلیف فراہم کرنے میں بہتری آسکتی ہے تو ہم اس کی بھی حمایت کریں گے، لیکن ایسے کسی پروپوزل کی حمایت نہیں کرسکتے جس سے صوبوں کے اختیارات واپس لیے جائیں۔

اٹھارویں ترمیم کے بارے میں جاری مؤقف

شازیہ مری نے کہا کہ اٹھارویں ترمیم اور این ایف سی حصے پر ہمارا مؤقف واضح ہے، ہم اس سے پیچھے نہیں ہٹیں گے۔ 18 ویں ترمیم کا رول بیک تو ممکن ہی نہیں۔ اگر پیپلزپارٹی کی سپورٹ چاہتے ہیں تو اس طرح کی کسی بات میں پیپلزپارٹی شراکت داری نہیں کرسکتی۔