پنجاب میں پولیس ہائی الرٹ، عدالتوں اور ججز کے رہائشی علاقوں کی سیکیورٹی بڑھا دی گئی

پنجاب پولیس کا سیکیورٹی نظام مزید مضبوط

لاہور(ڈیلی پاکستان آن لائن )آئی جی پنجاب ڈاکٹر عثمان انور نے کہا ہے کہ موجودہ سیکیورٹی صورتحال پر عدالتوں سمیت صوبے بھر میں پولیس ہائی الرٹ ہے۔ کچہریوں، عدالتوں، ججز کے رہائشی علاقوں کی سیکیورٹی بڑھا دی گئی ۔

یہ بھی پڑھیں: اسد قیصر کی حفاظتی ضمانت کی درخواست خارج

سیکیورٹی انتظامات میں اضافہ

’’آئی این پی‘‘ کے مطابق ایک بیان میں آئی جی پنجاب پولیس نے کہا ہے کہ پنجاب بھر کی عدالتوں میں سیکیورٹی انتظامات مزید سخت کر دیئے گئے ہیں۔ سی ٹی ڈی کی زیرِ نگرانی اہم روٹس و مقامات پر سرچ آپریشن جاری ہے، عدالتی کمپلیکسز، چینی پروجیکٹس و رہائش گاہوں کا سیکیورٹی آڈٹ مکمل کر لیا گیا۔

یہ بھی پڑھیں: بھارت، دہلی ہائیکورٹ نے اے آر رحمن پر 2 کروڑ روپے جرمانہ عائد کردیا

فول پروف سیکیورٹی پلان

انہوں نے کہا کہ جوڈیشل کمپلیکسز کی سیکیورٹی کا از سرِ نو جائزہ لیا گیا ہے اور ججز، بارز، متعلقہ اداروں کے لیے فول پروف سیکیورٹی پلان تیار کیا گیا ہے۔

نئی سیکیورٹی تدابیر

آئی جی پنجاب عثمان انور نے بتایا ہے کہ عدالتی کمپلیکسز آنے والی گاڑیوں کے لیے سٹیکرز سکیم نافذ کر دی گئی ہے۔ ججز کی گزرگاہوں کی سرچ اینڈ سوئیپنگ روزانہ کی بنیادوں پر کی جا رہی ہے۔