مجھے یہ سال کوئی اچھا نہیں لگ رہا،جج ابوالحسنات ذوالقرنین کے ریمارکس، بشریٰ بی بی کی ضمانت قبل ازگرفتاری کی درخواست میں 19 جنوری تک توسیع

اسلام آباد میں بشریٰ بی بی کی ضمانت کی درخواست

اسلام آباد (ڈیلی پاکستان آن لائن) انسداد دہشتگردی عدالت نے بشریٰ بی بی سمیت دیگر ملزمان کی ضمانت قبل از گرفتاری کی درخواستوں میں 19 جنوری 2026 تک توسیع کردی۔

یہ بھی پڑھیں: ڈیڑھ ماہ میں پیٹرولیم مصنوعات 29 روپے سے زائد مہنگی

عدالت کی سماعت

نجی ٹی وی چینل دنیا نیوز کے مطابق اے ٹی سی اسلام آباد میں بشریٰ بی بی سمیت دیگر کی ضمانت قبل از گرفتاری کی درخواستوں پر سماعت ہوئی۔ اے ٹی سی کے جج ابوالحسنات ذوالقرنین نے اس درخواست پر سماعت کی اور ضمانت کی تمام درخواستوں میں 19 جنوری 2026 تک توسیع کردی۔

جج کا بیان

عدالت نے بشریٰ بی بی سمیت تمام ملزمان کو متعلقہ مقدمات میں گرفتاری سے روک دیا۔ جج ابوالحسنات ذوالقرنین نے اپنے تاثرات میں کہا کہ "مجھے یہ سال کوئی اچھا نہیں لگ رہا۔" پی ٹی آئی وکلا نے جواب دیا کہ "سر، یہ سال اچھا نہیں تو آئندہ سال کی کوئی تاریخ دے دیں۔"