چیئرمین پی سی بی محسن نقوی کا راولپنڈی کرکٹ سٹیڈیم کا دورہ، پاکستان اور سری لنکا کی ٹیموں سے ملاقات

راولپنڈی کرکٹ سٹیڈیم کا دورہ

راولپنڈی (ڈیلی پاکستان آن لائن) وفاقی وزیر داخلہ اور پاکستان کرکٹ بورڈ کے چیئرمین محسن نقوی نے راولپنڈی کرکٹ سٹیڈیم کا دورہ کیا اور پاکستان اور سری لنکا کی ٹیموں کی پریکٹس دیکھی اور دونوں ٹیموں کے کھلاڑیوں سے ملاقات بھی کی۔

یہ بھی پڑھیں: جسٹس طارق محمود جہانگیری ڈگری تنازع کیس سماعت کے لیے مقرر

محسن نقوی کا دورہ

چیئرمین پی سی بی محسن نقوی کے ہمراہ سری لنکا کے ہائی کمشنر فریڈ سری ویراتنے اور وزیر مملکت طلال چوہدری بھی تھے۔ اس موقع پر محسن نقوی نے سیکیورٹی انتظامات کا معائنہ کیا اور ڈیوٹی پر تعینات اہلکاروں سے ملاقات بھی کی۔

یہ بھی پڑھیں: ہم پوری کوشش کریں گے کہ آج حکومت 27ویں آئینی ترمیم سینیٹ سے پاس نہ کرسکے: سینیٹر علی ظفر

سیکیورٹی اقدامات کی ہدایت

’’جیو نیوز‘‘ کے مطابق چیئرمین محسن نقوی نے قانون نافذ کرنے والے اداروں کے جوانوں کو جانفشانی سے فرائض انجام دینے کی ہدایت کی۔ اس کے علاوہ اُنہوں نے پریکٹس کے لیے موجود سری لنکن کرکٹ ٹیم کے کھلاڑیوں سے ملاقات کی اور دورہ جاری رکھنے پر مہمان کھلاڑیوں کا فردا فردا شکریہ ادا کیا۔

یہ بھی پڑھیں: چیئرمین پی سی بی محسن نقوی نے پی ایس ایل کی بحالی کا اعلان کردیا

کھلاڑیوں کی سیکیورٹی کی یقین دہانی

محسن نقوی نے سری لنکن کھلاڑیوں سے کہا کہ آپ کی سیکیورٹی ہماری ذمہ داری ہے، آپ کا دورۂ پاکستان جاری رکھنا امن کی جیت اور دہشتگردی کی شکست ہے۔ پورا پاکستان آپ کی محبت اور خلوص کا مقروض رہے گا۔

یہ بھی پڑھیں: چین اب بدل چکا ہے، 14 سال پہلے جب آیا تو بالکل مختلف تھا: آصف زرداری

پاکستانی کھلاڑیوں سے ملاقات

محسن نقوی نے پاکستانی کھلاڑیوں سے بھی ملاقات کی۔

یہ بھی پڑھیں: ایرانی صدر کا اعلان: اسرائیل اور امریکہ کے خلاف جاری جنگ ختم کرنے کے لیے تیار، اگر مضبوط ضمانتیں دی جائیں کہ مستقبل میں حملہ نہیں کریں گے

سری لنکن ہائی کمشنر کا بیان

سری لنکن ہائی کمشنر کا اس موقع پر کہنا تھا کہ اُنہوں نے مختلف ممالک میں خدمات انجام دی ہیں لیکن وہ پاکستان کو اپنا دوسرا گھر سمجھتے ہیں۔

میچ کی تیاری

واضح رہے کہ پاکستان اور سری لنکا نے میچ کی تیاری کے لئے بھرپور پریکٹس کی۔ دونوں ٹیموں کے درمیان دوسرا ون ڈے کل کھیلا جائے گا.