شمائلہ صدیقی کی وفد کے ہمراہ پاکستانی قونصل خانہ بارسلونا کا دورہ

پاکستانی قونصل خانہ بارسلونا کا دورہ

بارسلونا(ارشد نذیر ساحل) چیئرپرسن برائے ڈپلومیٹک افیئرز محترمہ شمائلہ صدیقی نے گزشتہ روز اپنے وفد کے ہمراہ پاکستانی قونصل خانہ بارسلونا کا دورہ کیا۔ وفد میں چیمبر کی ایگزیکٹو بورڈ ممبرز سمیت دیگر معزز اراکین بھی شامل تھے۔

یہ بھی پڑھیں: پاکستان اور سعودی عرب کے درمیان دفاعی معاہدے پر بھارت کا ردعمل بھی آ گیا

تنظیم کے مقاصد اور کاروباری ترقی

محترمہ شمائلہ صدیقی اور ان کے ساتھیوں نے قونصل جنرل پاکستان جناب مراد علی وزیر کو اپنی تنظیم کے کام، اس کے مقاصد، چھوٹے اور درمیانے درجے کے کاروباروں کی ترقی کے لیے کی جانے والی کاوشوں اور اسپین کے دورے کے مقصد کے حوالے سے تفصیلی بریفنگ دی۔

یہ بھی پڑھیں: گورنر سندھ سے امریکی سفیر کی ملاقات، شجرکاری مہم میں شرکت

قونصل جنرل کی حمایت

قونصل جنرل نے وفد کا خیرمقدم کرتے ہوئے انہیں بارسلونا اور کاتالونیا میں پاکستانی کاروباری کمیونٹی کے کردار، مواقع اور درپیش چیلنجز کے بارے میں آگاہ کیا۔ انہوں نے وفد کو یقین دلایا کہ قونصل خانہ پاکستان کاروباری تعاون، نیٹ ورکنگ، اور دو طرفہ تجارت کے فروغ کے سلسلے میں ہر ممکن مدد فراہم کرے گا.

باہمی روابط کی اہمیت

قونصل جنرل نے چیمبر کی کوششوں کو سراہتے ہوئے کہا کہ اس طرح کی بین الاقوامی روابط پاکستان اور اسپین میں کاروباری تعلقات کو مزید مضبوط بنانے کی جانب ایک اہم قدم ہیں۔