نو منتخب ارکان اسمبلی نے ضمنی الیکشن میں اپنی فتح کو وزیراعلیٰ مریم نواز کی محنت کا ثمر قرار دیدیا

نومنتخب ارکان اسمبلی کی ملاقات

لاہور(ڈیلی پاکستان آن لائن) پاکستان مسلم لیگ (ن) کے صدر محمد نوازشریف اور وزیراعلیٰ پنجاب مریم نواز نے ضمنی انتخابات میں نومنتخب ارکان اسمبلی سے ملاقات کی۔ قائد محمد نواز شریف اور وزیراعلیٰ مریم نواز نے فرداً فرداً تمام ارکان اسمبلی کو مبارکباد دی۔

یہ بھی پڑھیں: شیخانی برادران کی طرف سے عجمان میں عید ملن پارٹی کا اہتمام، 13 جانور قربان کئے گئے

سربراہ کی ہدایات

نومنتخب ارکان اسمبلی نے ضمنی الیکشن میں اپنی فتح کو وزیراعلیٰ مریم نواز کی محنت کا ثمر قرار دیا۔ قائد محمد نواز شریف کی جانب سے نومنتخب ارکان اسمبلی کو اپنے حلقوں میں جاکر پہلے دن سے ہی خدمت کا آغاز کرنے کی ہدایت کی گئی ہے。

عوام کی حمایت

نومنتخب ارکان اسمبلی کا کہنا تھا کہ عوام نے وزیراعلیٰ مریم نواز کی محنت اور قائد محمد نواز شریف کے نام پر ہمیں ووٹ دیا۔ عوام وزیراعلیٰ مریم نواز کی پالیسیوں اور پروجیکٹس کو بہت پسند کر رہے ہیں۔ پنجاب میں عوام کے لئے جو کام کیے گئے، ان کا ثمر ہمیں ضمنی الیکشن میں ملا۔ "اپنی چھت، اپنا گھر" اور ستھرا پنجاب عوام میں مقبولیت کی سند حاصل کر چکی ہیں۔