11 ویں این ایف سی ایوارڈ کے لیے 8 اہم ورکنگ گروپس قائم

نو تشکیل شدہ ورکنگ گروپس

اسلام آباد(ڈیلی پاکستان آن لائن) وفاقی حکومت نے 11 ویں نیشنل فنانس کمیشن (این ایف سی) ایوارڈ کے سلسلے میں مختلف امور پر غور کے لیے 8 اہم ورکنگ گروپس قائم کر دیئے۔

یہ بھی پڑھیں: اسلام آباد میں این سی سی آئی اے کی بڑی کارروائی، مالی فراڈ میں ملوث 8 رکنی گروہ گرفتار

ورکنگ گروپس کی ذمہ داریاں

نجی ٹی وی چینل دنیانیوز کے مطابق ذرائع کا کہنا ہے کہ این ایف سی سے متعلقہ معاملات کو مؤثر انداز میں آگے بڑھانے کے لیے یہ ورکنگ گروپس اپنی اپنی ذمہ داریوں کے دائرہ کار میں سفارشات تیار کریں گے۔

یہ بھی پڑھیں: پی ایس ایل 10 کا پلیئرز ڈرافٹ 11 جنوری کو ہو گا

صوبائی دائرہ اختیار سے متعلق ورکنگ گروپ

ذرائع کا کہنا ہے کہ صوبائی دائرہ اختیار سے متعلق اخراجات پر سفارشات کے لیے قائم ورکنگ گروپ کی سربراہی وزیر خزانہ پنجاب کریں گے۔

یہ بھی پڑھیں: خاتون کی بریت کے بعد پولیس ریکارڈ مینجمنٹ سے ریکارڈ ڈیلیٹ کرنے کی استدعا مسترد کردی گئی۔

وسائل کی تقسیم کا ورکنگ گروپ

مرکز اور صوبوں کے درمیان وسائل کی تقسیم کے تناسب پر غور کے لیے ایک الگ ورکنگ گروپ تشکیل دیا گیا ہے جس کی قیادت وزیر خزانہ بلوچستان کے سپرد کی گئی ہے۔

یہ بھی پڑھیں: امریکی صدر ڈونلڈ ٹرمپ کے قریبی ساتھی چارلی کرک قاتلانہ حملے میں ہلاک

قومی قرضوں کا جائزہ

قومی قرضوں کی ساخت اور اس کے استعمال پر بھی ایک خصوصی ورکنگ گروپ بنایا گیا ہے۔

یہ بھی پڑھیں: وفاقی وزیر اطلاعات و نشریات عطاء اللہ تارڑ سے روس کے سفیر کی ملاقات

ٹیکس کی بہتری کے لئے ورکنگ گروپ

ٹیکس ٹو جی ڈی پی تناسب کو بہتر بنانے کے لیے قائم ورکنگ گروپ کی سربراہی وزیر خزانہ خیبرپختونخوا کریں گے۔

یہ بھی پڑھیں: ماہ رمضان میں موسم کیسا رہے گا؟ این ڈی ایم اے کی رپورٹ جاری

صوبائی وسائل کی براہ راست منتقلی

صوبوں کو وسائل کی براہ راست منتقلی سے متعلق ورکنگ گروپ وزیر خزانہ سندھ کی قیادت میں کام کرے گا۔

یہ بھی پڑھیں: والدین و اساتذہ کا احترام اور عزت میں ہی کامیابی اور فلاح ہے: قونصل جنرل پاکستان خالد مجی

سابق فاٹا کے انضمام کا ورکنگ گروپ

اسی طرح سابق فاٹا کے انضمام اور این ایف سی شیئر کے حوالے سے ساتواں ورکنگ گروپ تشکیل دیا گیا ہے۔

یہ بھی پڑھیں: لیسکو اور میٹر بنانیوالی کمپنیوں کا اجلاس، جدید اے ایم آئی سنگل فیز میٹرز کے حوالے سے اہم پیش رفت

قابل تقسیم پول کی ساخت

قابل تقسیم پول کی ساخت پر غور کے لیے قائم ورکنگ گروپ کی سربراہی وفاقی وزیر خزانہ محمد اورنگزیب کریں گے۔

اگلا اجلاس

ذرائع کے مطابق این ایف سی سے متعلق دوسرا اجلاس آئندہ ماہ جنوری کے وسط تک متوقع ہے جس میں ورکنگ گروپس کی تیار کردہ سفارشات پر غور کیا جائے گا.