انڈیا فرسٹ کا دور ختم، پاکستان کو فوقیت، واشنگٹن ٹائمز نے 2025 کو پاک، امریکہ تعلقات میں انقلابی تبدیلی کا سال قرار دیدیا

انقلابی تبدیلی کا سال

واشنگٹن (مانیٹرنگ ڈیسک) امریکی اخبار واشنگٹن ٹائمز نے 2025 کو پاک-امریکہ تعلقات میں انقلابی تبدیلی کا سال قرار دیا۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

امریکی پالیسی کا نیا رخ

واشنگٹن ٹائمز نے اپنے تبصرے میں لکھا کہ رواں سال واشنگٹن کا "انڈیا فرسٹ" دور ختم ہوا اور پاکستان کو فوقیت حاصل رہی۔ امریکی پالیسی شفٹ کی بنیاد مئی کی پاک-بھارت جنگ بنی۔

یہ بھی پڑھیں: بلال بن ثاقب کے استعفی کے بعد بھارتی میڈیا کا جھوٹا پراپیگنڈا

خاص تجزیہ

"جنگ" کے مطابق، واشنگٹن ٹائمز کے آرٹیکل میں فیلڈ مارشل عاصم منیر اور امریکی صدر ڈونلڈ ٹرمپ کے تعلقات کا خصوصی تجزیہ شامل کیا گیا ہے۔ اخبار کے مطابق پاکستان ناپسندیدہ ریاست سے شراکت دار ملک بن گیا؛ ٹرمپ کی جنوبی ایشیا پالیسی میں پاکستان کو مرکزی ستون قرار دیا گیا ہے۔ ابتداء میں بھارت کو کواڈ اور دیگر فورمز کے ذریعے بالادست بنانے کی سوچ تھی اور اسلام آباد کو سائیڈ لائن کرنے کی توقع کی جا رہی تھی۔ تاہم بھارت کے سیاسی حالات، شخصی آزادیوں پر پابندیاں، غیر یکساں ملٹری پرفارمنس اور سفارتی سختی نے بھارت کو ریجنل اسٹیبلائزر کے طور پر مشکوک بنا دیا۔

سیاست میں تبدیلی

اخبار کے مطابق مارچ میں ڈونلڈ ٹرمپ نے اپنے خطاب میں پاکستان کی غیر متوقع تعریف کی، جس نے واشنگٹن میں پالیسی کا رخ بدل دیا۔ اسلام آباد نے موقع فوراً کیش کیا اور ہر محدود تعاون غیر متوقع کریڈٹ میں بدلتا گیا۔ پاک-امریکہ تعلقات میں فیصلہ کن موڑ مئی کی مختصر مگر شدید پاک-بھارت جھڑپ بنی، جس میں پاکستان کی فوجی کارکردگی نے ٹرمپ کو حیران کردیا۔