خیبرپختونخوا، بلوچستان، آزاد کشمیر میں بارش و برفباری سے موسم مزید سرد

سردی کی شدت میں اضافہ

پشاور(ڈیلی پاکستان آن لائن) خیبرپختونخوا، بلوچستان اور آزاد کشمیر کے مختلف حصوں میں شدید بارش اور برفباری کا سلسلہ شروع ہونے سے سردی کی شدت میں اضافہ ہوگیا۔

یہ بھی پڑھیں: بھارت نے بلاول بھٹو اور عمران خان کا بھی ایکس اکاؤنٹ بلاک کر دیا

خیبرپختونخوا کی صورتحال

نجی ٹی وی چینل دنیا نیوز کے مطابق خیبرپختونخوا میں پشاور، ہنگو اور چارسدہ کے مقام پر بارش کے بعد سردی کی شدت میں اضافہ ہوگیا۔ چترال، کالام، مہوڈنڈ اور مالم جبہ میں برفباری کے بعد ہر شے نے سفید چادر اوڑھ لی۔ وادی نیلم میں بھی بارش ہوئی جبکہ بالائی علاقوں میں بھی وقفے وقفے سے جاری برف باری نے سردی میں اضافہ کر دیا ہے۔

یہ بھی پڑھیں: گلگت ؛الیکشن ٹریبونل نے جی بی 2گلگت کے کیس کا محفوظ فیصلہ سنا دیا

بلوچستان میں بارش کا آغاز

صوبہ بلوچستان میں بھی طویل انتظار کے بعد بارشوں کا سلسلہ شروع ہو گیا ہے۔ گزشتہ روز بارش کے ساتھ ہی صوبے بھر میں سردی کی شدت میں نمایاں اضافہ ریکارڈ کیا گیا۔ چمن شہر، قلعہ عبداللہ، توبہ اچکزئی میں تیز ہوا کے ساتھ بارش نے کئی علاقوں میں بجلی کے کھمبے، دیواریں گرنے اور درخت اکھڑنے کا سبب بنی۔

محکمہ موسمیات کی پیشگوئی

محکمہ موسمیات نے آئندہ دنوں بارش اور برفباری کا سلسلہ مزید جاری رہنے کا امکان ظاہر کیا ہے۔ سیاحوں کو محتاط رہنے اور غیر ضروری سفر سے گریز کی ہدایت کی گئی ہے۔