اسلام آباد ہائی کورٹ: موسمی سرما کی تعطیلات کے ججز ڈیوٹی روستر جاری

اسلام آباد ہائیکورٹ کا فیصلہ

اسلام آباد(ڈیلی پاکستان آن لائن)اسلام آباد ہائیکورٹ نے موسم سرما کی تعطیلات کے دوران عدالتی امور کی انجام دہی کیلئے ججز کا ڈیوٹی روسٹر جاری کر دیا، چیف جسٹس کی منظوری سے ڈیوٹی روسٹر 31 دسمبر تک کیلئے جاری کیا گیا ہے۔

یہ بھی پڑھیں: ایشیا کپ فائنل میں شکست پر کپتان سلمان آغا کا ردعمل

ڈیوٹی روسٹر کی تفصیلات

نجی ٹی وی چینل دنیا نیوز کے مطابق روسٹر کے مطابق 31 دسمبر تک عدالت میں تین ڈویژن بنچز اور چھ سنگل بنچز دستیاب ہوں گے تاہم جسٹس ثمن رفعت امتیاز، جسٹس خادم حسین سومرو اور جسٹس محمد آصف اس دوران دستیاب نہیں ہوں گے۔

یہ بھی پڑھیں: ایشیا کپ، پاکستان اور بھارت کے درمیان میچ کا ٹاس ہو گیا

ڈویژن بنچز کی تشکیل

پہلا ڈویژن بنچ چیف جسٹس اور جسٹس اعظم خان پر مشتمل ہوگا، دوسرا ڈویژن بنچ جسٹس بابر ستار اور جسٹس ثمن رفعت امتیاز پر مشتمل ہوگا، جو 26 دسمبر تک دستیاب رہے گا اور صرف ٹیکس سے متعلق کیسز کی سماعت کرے گا، تیسرا ڈویژن بنچ جسٹس ارباب محمد طاہر اور جسٹس انعام امین منہاس پر مشتمل ہوگا جو آج سے 26 دسمبر تک دستیاب رہے گا۔

سنگل بنچز کی معلومات

سنگل بنچز کے حوالے سے روسٹر میں بتایا گیا ہے کہ جسٹس بابر ستار کا سنگل بنچ 29 سے 31 دسمبر تک دستیاب ہوگا جبکہ جسٹس انعام امین منہاس کا سنگل بنچ آج سے 26 دسمبر تک فرائض انجام دے گا.