لیبیا کے آرمی چیف کو بعد از وفات فیلڈ مارشل کا اعزاز دے دیا گیا

جنرل محمد علی احمد الحداد کی تدفین

طرابلس (ڈیلی پاکستان آن لائن) لیبیا میں سوگ کے دنوں کے بعد، آرمی چیف جنرل محمد علی احمد الحداد اور 4 دیگر اعلیٰ فوجی افسران کو ان کے آبائی شہر مصراتہ میں سپردِ خاک کیا گیا۔ جنرل محمد الحداد کو بعد از وفات فیلڈ مارشل کے عہدے پر فائز کیا گیا۔ لیبیا کے فوجی سربراہ اور دیگر جاں بحق افسران کو جنوبی طرابلس کے ایک فوجی اڈے پر سرکاری اعزاز کے ساتھ خراجِ عقیدت پیش کیا گیا۔

یہ بھی پڑھیں: وزیر اعظم شہباز شریف کا فقید المثال استقبال، ریاض میں سبز ہلالی پرچموں کی بہار، مختلف شعبوں میں تعاون پرباضابطہ پیش رفت متوقع

وزیرِاعظم کا خطاب

اس موقع پر صدارتی کونسل کے سربراہ محمد المنفی نے اعلان کیا کہ تمام شہداء کو اگلے عہدے پر ترقی دی جا رہی ہے، جس کے تحت جنرل محمد الحداد کو بعد از وفات فیلڈ مارشل کے عہدے پر فائز کیا گیا۔ وزیرِاعظم عبدالحمید دبیبہ نے تقریب سے خطاب کرتے ہوئے کہا کہ فیلڈ مارشل محمد الحداد ریاست کے تحفظ اور استحکام کے لیے ایک مضبوط ستون تھے۔

یہ بھی پڑھیں: راولپنڈی: قربانی کے جانور چوری کرنے والے 3 ملزمان گرفتار، بکرے برآمد

طیارہ حادثے کی تحقیقات

انہوں نے یقین دہانی کروائی کہ طیارہ حادثے کی تحقیقات ترکیہ کے تعاون سے جاری ہیں۔ 24 دسمبر کو لیبیا کے آرمی چیف محمد علی احمد الحداد کا طیارہ ترکیہ کے شہر انقرہ سے روانہ ہونے کے بعد تباہ ہوگیا تھا، جس میں آرمی چیف سمیت 5 افراد سوار تھے، اور کئی گھنٹوں بعد طیارے کا ملبہ مل گیا۔ جنرل الحداد کے سینئر مشیر محمد العسوی اور فوجی کیمرہ مین محمد المحجوب کی میتیں ہفتہ کی شام مصراتہ پہنچائی گئیں، جہاں اتوار کو اجتماعی نمازِ جنازہ ادا کی گئی۔

یہ بھی پڑھیں: امریکہ نے قطر میں اپنے شہریوں کو اہم ہدایت جاری کردی

آخری لمحوں کی تفصیلات

تمام افسران انقرہ سے لیبیا واپس آ رہے تھے، جہاں وہ ترک دفاعی حکام سے ملاقاتیں کر چکے تھے۔ یہ حادثہ ایسے وقت پیش آیا جب ترک پارلیمان نے لیبیا میں اپنی فوجی موجودگی میں توسیع کی منظوری دی تھی۔ ترک حکام کے مطابق ابتدائی تحقیقات میں تکنیکی خرابی کا امکان سامنے آیا ہے۔ لیبیا کی ایک فوجی کمیٹی تحقیقات میں معاونت کے لیے انقرہ گئی جبکہ دونوں ممالک نے فلائٹ ریکارڈر کو غیر جانبدار ملک منتقل کرنے پر اتفاق کیا ہے.

یہ بھی پڑھیں: پنڈی ٹیسٹ: افریقی ٹیم 404 رنز پر آؤٹ، پاکستان کے خلاف 71 رنز کی برتری

جنرل الحداد کی خدمات اور عہدہ

جنرل الحداد کو ایک معتدل اور قومی سطح پر قابلِ احترام شخصیت سمجھا جاتا تھا۔ انہوں نے 2019 میں طرابلس پر خلیفہ حفتر کی یلغار کے خلاف اہم کردار ادا کیا اور 2020 کے جنگ بندی معاہدے کی راہ ہموار کی۔ طرابلس میں سرکاری فوجی تقریب کے دوران صدارتی کونسل کے سربراہ محمد المنفی نے جنرل الحداد کو بعد از وفات فیلڈ مارشل کے عہدے پر ترقی دینے کا اعلان کیا۔

جنازے کی تقریب

مصراتہ کے فٹبال اسٹیڈیم میں ہزاروں افراد نے نمازِ جنازہ میں شرکت کی، جبکہ شہری انتظامیہ نے جنازے میں شرکت کے لیے سرکاری تعطیل کا اعلان کیا۔