دنیا کی کوئی طاقت ہمیں دہشتگردی کیخلاف جنگ جیتنے سے نہیں روک سکتی،ڈی جی آئی ایس پی آر

ڈی جی آئی ایس پی آر کا بیان

راولپنڈی(ڈیلی پاکستان آن لائن)ڈی جی آئی ایس پی آر لیفٹیننٹ جنرل احمد شریف چودھری کا کہنا ہے کہ دنیا کی کوئی طاقت ہمیں دہشتگردی کیخلاف جنگ جیتنے سے نہیں روک سکتی۔

یہ بھی پڑھیں: سونے کی فی تولہ قیمت میں 7800روپے کا بڑا اضافہ

پاکستان کی سیکیورٹی اور آئینی ذمہ داریاں

ڈی جی آئی ایس پی آر لیفٹیننٹ جنرل احمد شریف چودھری نے پریس کانفرنس کرتے ہوئے کہا کہ ہمیں آئینی اور قانونی حکم ہے کہ پاکستان اور اس کی ٹیریٹری کی حفاظت کریں۔ پاکستان کے ٹیکس پیئر کا حلال کا پیسہ اس جنگ پر خرچ ہو رہا ہے۔ کچھ لوگ اسمبلی میں بیٹھ کر جھوٹا بیانیہ تیار کر رہے ہیں اور اس قابض گروہ سے سیکیورٹی مانگ رہے ہیں، جنہوں نے دنیا بھر کے دہشتگرد جمع کئے۔

قومی جنگ کی اہمیت

انہوں نے مزید کہا کہ دہشتگردی کیخلاف قومی جنگ ایک ساتھ لڑنا ہے اور اس میں جیتنا ہے۔ دنیا کی کوئی طاقت ہمیں یہ جنگ جیتنے سے نہیں روک سکتی۔ پی ٹی آئی قیادت ہر فورم پر دہشتگردی کے خلاف آپریشنز کی مخالفت کر رہی ہے۔ ہمارے نزدیک دہشتگرد کا کوئی رنگ یا شیڈ نہیں ہے۔ ہم حق پر ہیں اور حق ان شاء اللہ غالب آئے گا۔