داماک گروپ کو پنجاب میں سرمایہ کاری کی دعوت، حکومتی اور تجارتی اثاثوں کی ٹوکنائزیشن تیزکرنے پر اتفاق

وزیراعلیٰ کی ملاقات

لاہور (ڈیلی پاکستان آن لائن) وزیراعلیٰ پنجاب مریم نواز سے متحدہ عرب امارات کے معروف کاروباری ادارے داماک گروپ (Damac Group) کے وفد نے ملاقات کی۔ داماک گروپ کی سی ای او امیرا حسین سجوانی اور منیجنگ ڈائریکٹرز علی حسین سجوانی نے 6 رکنی وفد کی سربراہی کی۔

یہ بھی پڑھیں: آلودگی کے اعتبار سے لاہور دنیا بھر کے شہروں میں سرفہرست

پرتپاک استقبال اور سرمایہ کاری کی دعوت

وزیراعلیٰ مریم نواز نے داماک گروپ کے وفد کا پرتپاک استقبال کیا۔ داماک گروپ کے وفد نے پروقار خیرمقدم پر وزیراعلیٰ کا شکریہ ادا کیا۔ وزیراعلیٰ مریم نواز نے داماک گروپ کو پنجاب میں سرمایہ کاری کی دعوت دی۔ ملاقات میں حکومتی اور تجارتی اثاثوں کی ٹوکنائزیشن تیز کرنے پر اتفاق کیا گیا۔ اس موقع پر مختلف شعبوں میں اسٹرٹیجک سرمایہ کاری کے مواقع پر غور کیا گیا۔

یہ بھی پڑھیں: موبائل فون اور راستے تیسرے روز بھی بند، راولپنڈی اور اسلام آباد متاثر

تجارتی اثاثوں کی پائلٹ ٹوکنائزیشن

ملاقات میں نواز شریف آئی ٹی سٹی میں تجارتی اثاثوں کی پائلٹ ٹوکنائزیشن کی تجویز کا بھی جائزہ لیا گیا۔ داماک گروپ نے پنجاب میں سرمایہ کاری کے لیے دلچسپی کا اظہار کیا۔ وزیراعلیٰ نے پنجاب کو ابھرتی ہوئی ٹیکنالوجیز اور ڈیجیٹل اثاثہ جات کی جدت کو اپنانے پر اظہار مسرت کیا۔

یہ بھی پڑھیں: عدالتی حکم پر مخصوص نشستوں پر منتخب اراکین کا حلف لے کر کوئی غیر قانونی کام نہیں کیا، گورنر کے پی

پنجاب کی ترقی میں سرمایہ کاری

وزیراعلیٰ مریم نواز نے کہا کہ پنجاب کو ڈیجیٹل اثAssetہ جات اور نئی ٹیکنالوجی میں براہ راست غیر ملکی سرمایہ کاری (FDI) کے لیے پاکستان کا گیٹ وے بنا رہے ہیں۔ پنجاب آئی ٹی برآمدات میں 65 فیصد شیئر کے ساتھ پاکستان کی سب سے بڑی آئی ٹی اور ڈیجیٹل اکانومی ہے۔ پنجاب میں ہر سال 25,000 سے زیادہ آئی ٹی گریجویٹس کی قابل قدر افرادی قوت سامنے آرہی ہے۔

یہ بھی پڑھیں: بھارتی سپریم کورٹ نے اپنی فوج کی کرنل صوفیہ کو دہشت گردوں کی بہن کہنے والے وزیر کی معافی مسترد کردی

ابھرتے ہوئے ٹیکنالوجی ہب

وزیراعلیٰ مریم نواز نے کہا کہ لاہور، راولپنڈی، فیصل آباد، ملتان، اور گوجرانوالہ ابھرتے ہوئے متحرک ٹیکنالوجی ہب ہیں۔ دنیا بھر میں پاکستان آئی ٹی اور ڈیجیٹل انوویشن کا ابھرتا ہوا مرکز بنائیں گے۔ پنجاب میں سرمایہ کاری کے لیے بہترین اور موزوں وقت آچکا ہے۔ پنجاب نوجوانوں کے لیے وسیع تر مواقع کی سرزمین ہے۔

سی بی ڈی پنجاب کی بریفنگ

سی بی ڈی پنجاب کے سی ای او عمران امین نے داماک گروپ کو سی بی ڈی قائد ڈسٹرکٹ ماسٹر پلان، سئرئس ٹاور، فائیوسٹار ہاسپلٹی ٹاور، ہائپر ریٹل مال اور دیگر پروجیکٹس پر تفصیلی بریفنگ دی۔ بریفنگ میں مزید بتایا گیا کہ سی بی ڈی پنجاب اور روڈا میں ٹوکنائزیشن کے بہت سے مواقع ہیں۔ سی بی ڈی پنجاب اور نواز شریف آئی ٹی سٹی پنجاب کی معاشی ترقی میں متحرک کردار ادا کر رہے ہیں。