گل پلازہ میں لگی آگ بجھاتے ہوئے زندگی کی بازی ہارنے والا فائرفائٹر فرقان سپرد خاک

فائر فائٹر فرقان علی کا بہادری سے انتقال

کراچی(ڈیلی پاکستان آن لائن) صدر میں گل پلازہ میں لگنے والی آگ بجھاتے ہوئے فائر فائٹر فرقان علی زندگی کی بازی ہار گیا۔ فرقان کی نمازِ جنازہ میں اپوزیشن لیڈر علی خورشیدی سمیت علاقہ مکینوں اور شہریوں کی بڑی تعداد نے شرکت کی۔

یہ بھی پڑھیں: اس سال شادی کرنے والے ماڈل عبیر اسد اور سبن عمیس کا راستہ جدا کرنے کا فیصلہ

تفصیلات

تفصیلات کے مطابق فرقان ایک بچے کا باپ تھا جو گل پلازہ میں لگی آگ بجھاتے ہوئے انتقال کرگیا۔ فرقان علی کے اہل خانہ نے اپیل کی ہے کہ ان سے سرکاری گھر نہ لیا جائے اور فرقان کی اہلیہ کو ملازمت دی جائے۔

یہ بھی پڑھیں: ایمی ایوارڈ یافتہ دی سمپسنز کے رائٹر چل بسے، موت کی وجہ بھی سامنے آگئی

آخری رسومات

کراچی کے علاقے صدر میں گل پلازہ میں لگنے والی آگ بجھاتے ہوئے زندگی کی بازی ہارنے والے فائر فائٹر فرقان علی کو سپردِ خاک کر دیا گیا۔ ان کی نمازِ جنازہ میں اپوزیشن لیڈر علی خورشیدی سمیت علاقہ مکینوں اور شہریوں کی بڑی تعداد نے شرکت کی۔

یہ بھی پڑھیں: راجیو شکلا کو بھارتی کرکٹ بورڈ کا قائمقام صدر بنادیاگیا

خراجِ تحسین

شرکاء نے لوگوں کی جانیں بچانے کے دوران اپنی جان قربان کرنے والے فائر فائٹر فرقان علی کے جذبۂ ایثار اور بہادری کو خراجِ تحسین پیش کیا۔

آتشزدگی کا واقعہ

دوسری جانب آتشزدگی کے واقعے میں جھلس کر جاں بحق ہونے والے تاجر کاشف کی نمازِ جنازہ گارڈن غفوریہ مسجد میں ادا کی گئی، جس میں صوبائی وزیر سعید غنی، ڈپٹی میئر سلمان عبداللہ مراد اور شہریوں کی بڑی تعداد شریک ہوئی۔