خاموشی خوفناک ہے، مودی سرکار کو کشمیریوں کی کوئی پرواہ نہیں: سابق سربراہ ’’را‘‘ اے ایس دولت کھل کر بول پڑے

بھارتی خفیہ ایجنسی کے سابق سربراہ کا بیان

چنئی (مانیٹرنگ ڈیسک) بھارتی خفیہ ایجنسی ’’را‘‘ کے سابق سربراہ اے ایس دولت نے کہا ہے کہ کشمیریوں کی خاموشی خوفناک ہے، مودی سرکار کو کشمیریوں کی کوئی پرواہ نہیں۔

یہ بھی پڑھیں: پی ٹی آئی رہنما جنید اکبر و شیر علی ارباب اپنی ہی پارٹی قیادت پر برس پڑے

لیٹریچر فیسٹول میں شرکت

تفصیلات کے مطابق چنئی میں لیٹریچر فیسٹول ہوا جس میں سابق چیف ’’را‘‘ اے ایس دولت نے بھی شرکت کی۔ فیسٹول میں بالی ووڈ فلموں میں مسلمانوں کو منفی کرداروں میں دکھانے پر کڑی تنقید کی گئی۔ مقررین نے کہا کہ بھارتی فلم انڈسٹری مسلمانوں کے خلاف نفرت پھیلا رہی ہے اور مذہبی تقسیم کا باعث ہے۔

یہ بھی پڑھیں: وزیراعظم شہباز شریف 2 روزہ دورے پر آج سعودی عرب روانہ ہوں گے

مقبوضہ کشمیر کی صورتحال

’’جیو نیوز‘‘ کے مطابق سابق ’’را‘‘ چیف اے ایس دولت نے کہا کہ مقبوضہ کشمیر کی صورتحال پر مودی حکومت کو کوئی پرواہ نہیں۔ کشمیر میں موجودہ سیاسی صورتحال میں بے بسی کا احساس غالب ہے اور نئی دہلی کو کشمیر اور کشمیریوں کے حالات کی کوئی خاص فکر نہیں۔ کشمیر اس وقت جمود کا شکار ہے اور کشمیری صرف امید کے سہارے زندہ ہیں۔ واجپائی کے دور کی بی جے پی اور نریندر مودی کی بی جے پی میں زمین آسمان کا فرق ہے، سابق وزیراعظم اٹل بہاری واجپائی کشمیر کے مسئلے کے حل میں سنجیدہ دلچسپی رکھتے تھے جب کہ موجودہ مودی حکومت کو اس سے زیادہ سروکار نہیں ہے۔

آرٹیکل 370 کی منسوخی

کشمیر میں آرٹیکل 370 کی منسوخی پر بات کرتے ہوئے ’’را‘‘ کے سابق سربراہ نے کہا کہ کشمیریوں سے یہ علامتی سہارا بھی چھین لیا گیا ہے، آرٹیکل 370 کے خاتمے کے بعد جس بڑے احتجاج کی توقع تھی وہ نہیں ہوا بلکہ کشمیری خاموش ہوگئے اور یہی خاموشی خوفناک ہے کیونکہ اس کے نتائج کا اندازہ نہیں لگایا جا سکتا۔