پریذیڈنٹ ون ڈے کپ، ایس این جی پی ایل، ایشال ایسوسی ایٹس اور سٹیٹ بینک کی کامیابی

لاہور (سپورٹس رپورٹر)

پریذیڈنٹ ون ڈے کپ میں بدھ کے روز کھیلے گئے میچوں میں دفاعی چیمپئن ایس این جی پی ایل، ایشال ایسوسی ایٹس اور سٹیٹ بینک نے کامیابی حاصل کرلی۔

یہ بھی پڑھیں: ہمارے ایم پی ایز کو اے آئی کا پتہ ہی نہیں،کامیابی کا ایجنڈا طے کرنا ہو گا : ملک احمد خان

میچ کی خاص باتیں

ان میچوں کی خاص بات کے آر ایل کے معاذ صداقت کی سنچری اور سٹیٹ بینک کے کاشف بھٹی کے 49 ناٹ آؤٹ اور تین وکٹوں کی عمدہ آل راؤنڈ کارکردگی تھی۔

یہ بھی پڑھیں: پاکستان کی چین سے 3.4 ارب ڈالر کے ایک اور قرضہ کی ری شیڈولنگ درخواست

ایس این جی پی ایل کا شاندار کارکردگی

جمخانہ گراؤنڈ لاہور میں ایس این جی پی ایل نے پی ٹی وی کو 93 رنز سے ہرادیا۔ ایس این جی پی ایل نے 45 اوورز کی بیٹنگ میں 9 وکٹوں پر 249 رنز بنائے۔ حسیب اللہ نے 54 رنز سکور کیے۔ محمد حسنین نے تین وکٹیں حاصل کیں۔ جواب میں پی ٹی وی کی ٹیم 35.5 اوورز میں 9 وکٹوں پر 156 رنز بناسکی۔ امام الحق بیٹنگ کے لیے نہ آسکے۔ صاحبزادہ فرحان نے 58 رنز سکور کیے۔ قاسم اکرم نے صرف 9 رنز دے کر 3 کھلاڑیوں کو آؤٹ کیا۔

یہ بھی پڑھیں: جائیداد کیلئے ماں کو قتل کرنے والے بیٹے کے سنسنی خیز انکشافات، جان کر آپ کو بھی شدید دکھ ہوگا

ایشال ایسوسی ایٹس کی کامیابی

اقبال سٹیڈیم فیصل آباد میں ایشال ایسوسی ایٹس نے غنی گلاس کو 5 وکٹوں سے ہرادیا۔ غنی گلاس کی ٹیم پہلے بیٹنگ کرتے ہوئے 178 رنز بناکر آؤٹ ہوگئی۔ محسن ریاض 51 رنز بناکر ٹاپ سکورر رہے۔ عثمان طارق نے تین وکٹیں حاصل کیں۔ جواب میں ایشال ایسوسی ایٹس نے مطلوبہ سکور 34 ویں اوور میں پانچ وکٹوں کے نقصان پر پورا کرلیا۔ سجاد ابراہیم نے چار چھکوں اور چار چوکوں کی مدد سے61 رنز سکور کیے اور آؤٹ نہیں ہوئے۔ رمیز جونیئر نے تین وکٹیں حاصل کیں۔

سٹیٹ بینک کا فیصلہ کن مقابلہ

ایبٹ آباد سٹیڈیم ایبٹ آباد میں سٹیٹ بینک نے کے آر ایل کو 2 وکٹوں سے ہرادیا۔ بارش کے سبب یہ میچ 42 اوورز کا کردیا گیا تھا۔ کے آر ایل نے پہلے بیٹنگ کرتے ہوئے 9 وکٹوں کے نقصان پر 275 رنز بنائے۔ معاذ صداقت نے 6 چھکوں اور 12 چوکوں کی مدد سے 114 رنز اسکور کیے۔ عامر برکی نے 82 رنز کی اننگز کھیلی جس میں 5 چھکے اور 5 چوکے شامل تھے۔ کاشف بھٹی نے تین وکٹیں حاصل کیں۔ سٹیٹ بینک نے جواب میں آخری اوور میں جیت کے لیے درکار 12 رنز بناکر کامیابی حاصل کرلی۔ اس جیت کا کریڈٹ کاشف بھٹی کی جارحانہ بیٹنگ کو جاتا ہے جنہوں نے صرف 24 گیندوں پر 49 رنز سکور کیے اور آؤٹ نہیں ہوئے جس میں 4 چوکے اور 3 چھکے شامل تھے۔ محمد فیضان نے دس چوکوں اور ایک چھکے کی مدد سے 63 رنز سکور کیے۔