دوسرا ٹی ٹوئنٹی، پاکستان نے آسٹریلیا کو جیت کے لیے بڑا ٹارگٹ دے دیا

میچ کی تفصیلات

لاہور(ڈیلی پاکستان آن لائن)پاکستان نے 3 ٹی ٹوئنٹی میچوں کی سیریز کے دوسرے میچ میں آسٹریلیا کو جیت کیلئے 199 رنز کا ہدف دے دیا۔لاہور کے قذافی اسٹیڈیم میں کھیلے جا رہے میچ میں پاکستان کے کپتان سلمان علی آغا نے ٹاس جیت کر پہلے بیٹنگ کا فیصلہ کیا۔

یہ بھی پڑھیں: نیب نے 6 ماہ کے دوران 547 ارب روپے سے زائد رقوم کی ریکارڈ ریکوری کرلی

پاکستان کی کارکردگی

پاکستان نے مقررہ 20 اوورز میں 5 وکٹوں کے نقصان پر 198 رنز اسکور کیے۔ سلمان آغا 76 رنز بناکر نمایاں رہے۔ دوسرے ٹی ٹوٹنٹی میچ کے لیے پاکستان کی پلیئنگ الیون میں 3 تبدیلیاں کی گئیں۔ عثمان طارق، فہیم اشرف اور نسیم شاہ کو پلیئنگ الیون میں شامل کیا گیا ہے جبکہ شاہین شاہ آفریدی، سلمان مرزا اور فخر زمان کو آرام دیا گیا ہے۔

یہ بھی پڑھیں: سمارٹ واچ نے شوہر کے حادثے کا پیغام دیا جبکہ وہ تو ریس ٹریک پر موجود تھے: ڈیجیٹل لباس کی حفاظت کے بارے میں۔

آغاز کا نقصان

آسٹریلیا کے خلاف پاکستان کا آغاز اچھا نہ تھا، صاحبزادہ فرحان ایک بار پھر بڑی اننگز نہ کھیل سکے اور صرف 5 رنز بناکر آؤٹ ہوگئے۔ صائم ایوب 23 اور بابر بھی 2 رنز پر پویلین لوٹے۔ ایسے میں کپتان سلمان علی آغا نے ذمہ دارانہ اور برق رفتار اننگز کھیلی، انہوں نے 40 گیندوں پر 76 رنز بنائے۔