افغانستان میں چھوڑا گیا امریکی اسلحہ کہاں استعمال ہو رہا ہے۔۔۔؟ امریکی نشریاتی ادارے کی رپورٹ میں تہلکہ خیز انکشاف

امریکی اسلحہ اور اس کا استعمال

واشنگٹن( مانیٹرنگ ڈیسک ) افغانستان میں چھوڑا گیا امریکی اسلحہ کہاں استعمال ہو رہا ہے۔۔۔؟ امریکی نشریاتی ادارے کی رپورٹ میں تہلکہ خیز انکشاف سامنے آیا ہے ۔

یہ بھی پڑھیں: ملک کے مختلف علاقوں میں بارش اور برفباری کا سلسلہ جاری

پاکستان میں دہشت گردی کے لیے استعمال

’’جیو نیوز‘‘ کے مطابق امریکی نشریاتی ادارے ’’سی این این‘‘ نے کہا ہے کہ افغانستان میں چھوڑا گیا امریکی اسلحہ پاکستان میں دہشت گردی کے لیے استعمال ہو رہا ہے۔ سی این این کی رپورٹ کے مطابق امریکی اسلحہ دہشت گردی کے خلاف کارروائیوں میں ایک بڑی رکاوٹ بن چکا ہے۔ ٹی ٹی پی اور بی ایل اے کے دہشت گرد امریکی ساختہ رائفلز، مشین گنز اور اسنائپر ہتھیار استعمال کر رہے ہیں۔ امریکی ہتھیاروں کی دستیابی کے باعث دہشت گردوں کے حملوں کی نوعیت اور شدت میں نمایاں اضافہ ہوا۔

یہ بھی پڑھیں: ججوں کے تقرر میں پارلیمان کا کردار عدلیہ پر حملہ کیسے ہوگیا؟ سینیٹ میں شیری رحمان کا استفسار

انخلاء کے دوران امریکی ہتھیاروں کی موجودگی

سربراہ سگار جان سوپکو کے مطابق انخلاء کے وقت افغانستان میں 3 لاکھ امریکی ہتھیار چھوڑے گئے، جنوبی وزیرستان اور بلوچستان میں دہشت گرد حملوں کے دوران امریکہ کا افغانستان میں چھوڑا گیا جدید اسلحہ استعمال ہوا۔

پاکستان کی حکومتی کوششیں

واضح رہے کہ حکومت پاکستان افغان حکومت اور بین الاقوامی برادری کو بارہا اس بات کے واضح ثبوت فراہم کر چکی ہے کہ افغان سرزمین پاکستان کے خلاف استعمال ہو رہی ہے اور ٹی ٹی پی کے دہشت گرد امریکہ کا افغانستان میں چھوڑا گیا جدید اسلحہ استعمال کر رہے ہیں۔