لاہور میں بسنت کے دوران فلائٹ آپریشنز کو محفوظ رکھنے کیلئے اہم حکم نامہ جاری

لاہور میں بسنت کے دوران فلائٹ آپریشنز کی حفاظت

لاہور (ڈیلی پاکستان آن لائن) لاہور میں بسنت کے دوران فلائٹ آپریشنز کو محفوظ رکھنے کے لئے اہم حکم نامہ جاری کیا گیا ہے۔

یہ بھی پڑھیں: اڈیالہ جیل میں قیدیوں سے ملاقاتوں پر عائد پابندی ختم

پتنگ بازی پر پابندی

تفصیلات کے مطابق لاہور ائیرپورٹ کے قرب و جوار میں پتنگ بازی پر پابندی عائد کی گئی ہے۔ علامہ اقبال انٹرنیشنل ایئرپورٹ لاہور کے طیاروں کے ٹیک آف اور لینڈنگ ایریاز میں پتنگ بازی پر مکمل پابندی عائد ہے۔ کابینہ کی منظوری کے بعد ڈپٹی کمشنر لاہور نے بسنت کے حوالے سے ایڈنڈم نوٹیفکیشن جاری کر دیا ہے۔

یہ بھی پڑھیں: چینی کی فی کلو قیمت 220 روپے تک پہنچ گئی

محکمہ داخلہ پنجاب کی وضاحت

ترجمان محکمہ داخلہ پنجاب نے بتایا ہے کہ پابندی پاکستان ایئرپورٹس اتھارٹی کی ایوی ایشن سیفٹی کے حوالے سے سفارشات کی روشنی میں عائد کی گئی ہے۔ ایئرکرافٹ لینڈنگ ایریا میں نادرآباد، گلشن علی کالونی، علی ویو، نشاط کالونی، بھٹہ چوک اور ڈی ایچ اے لاہور کے بلاکس P, Q, R اور S شامل ہیں۔ ایئرکرافٹ ٹیک آف کے راستے میں الفیصل ٹاؤن، جوڑے پل، تاجپورہ سے ملحقہ کینال بینک روڈ اور تاجپورہ کے علاقے شامل ہیں۔ جہازوں کے ٹیک آف اور لینڈنگ کے ان تمام علاقوں میں بسنت کے دوران بھی پتنگ بازی پر مکمل پابندی عائد ہے۔