فیروزوالہ میں پتنگ اڑاتے 9 سالہ بچہ چھت سے گر کر جاں بحق

فیروزوالہ میں افسوسناک واقعہ

فیروزوالہ(ڈیلی پاکستان آن لائن) میں پتنگ اڑاتے ہوئے 9 سالہ بچہ چھت سے گر کر جاں بحق ہوگیا۔
نجی ٹی وی چینل دنیا نیوز کے مطابق پولیس کا کہنا ہے کہ جاں بحق بچے کی شناخت علی اصغر کے نام سے ہوئی۔

یہ بھی پڑھیں: پاکستانی کیریئر مینٹور معصومہ اعجاز کو یونائیٹڈ نیشنز بنکاک میں گلوبل پیس ایوارڈ سے نوازا گیا

گلستان کالونی میں دو بھائی زخمی

واضح رہے کہ راولپنڈی کے علاقے گلستان کالونی میں گردن پر ڈور پھرنے سے 2 بھائی زخمی ہوگئے تھے۔ ابوبکر اور دانیال کو شدید زخم آئے، دونوں بچے ماموں کے ساتھ موٹرسائیکل پر جا رہے تھے۔

یہ بھی پڑھیں: پاکستان آنے کے لیے اصول دنیا کے لیے وہی افغان شہریوں کے لیے بھی ہیں: طلال چودھری

قانونی کارروائی

پولیس نے دھاتی ڈور سے بچوں کے زخمی ہونے پر ایف آئی آر درج کرلی۔ مقدمے میں اینٹی کائٹ فلائنگ ایکٹ کی دفعہ بھی شامل کر لی گئی۔ وزیراعلیٰ پنجاب مریم نواز نے واقعہ پر نوٹس لیتے ہوئے کمشنر راولپنڈی سے رپورٹ طلب کر لی تھی۔

پتنگ بازی پر پابندی

انہوں نے کہا کہ بسنت صرف لاہور میں منانے کی اجازت دی گئی ہے، صوبہ بھر میں پتنگ بازی پر پابندی ہے، ممنوعہ ڈور کے استعمال سے خوشی کے تہوار کو خونی نہ بنایا جائے۔