سنگاپور کی 71 سالہ خاتون کو جنگلی کبوتروں کو خوراک ڈالنے کی عادت مہنگی پڑ گئی
سنگاپور کی خاتون کو جنگلی کبوتروں کو کھانا ڈالنے کی وجہ سے جرمانہ
سنگا پور سٹی (ویب ڈیسک) سنگاپور کی 71 سالہ خاتون کو جنگلی کبوتروں کو خوراک ڈالنے کی عادت مہنگی پڑ گئی۔
یہ بھی پڑھیں: را کے ذریعے بلوچستان میں دہشت گردی، اشارے کیسے دیئے جاتے ہیں، بھارت کی حکمت عملی میں کیا تبدیلی آئی۔۔۔؟ تہلکہ خیز انکشافات
جرمانے کی تفصیلات
غیر ملکی خبر رساں ایجنسی کے مطابق سانموگامناتھن شملہ نامی خاتون کو وائلڈ لائف ایکٹ کی خلاف ورزی پر 3 ہزار 200 سنگاپورین ڈالرز (تقریباً 7 لاکھ 4 ہزار 129 پاکستانی روپے) جرمانہ ادا کرنے کا حکم دے دیا گیا۔ خاتون نے وائلڈ لائف ایکٹ کے تحت عائد 4 الزامات میں اعترافِ جرم کیا ہے، جبکہ اسی نوعیت کے مزید 5 واقعات کو بھی عدالت نے مدِنظر رکھا۔
یہ بھی پڑھیں: ہر آدمی کے ذاتی معالج ہوتے ہیں، عمران خان کے ڈاکٹرز کو بھیج دیا جاتا تو سارے غبارے سے ہوا نکل جاتی، محمود خان اچکزئی
پہلی بار قانونی کارروائی
یہ پہلا موقع نہیں کہ مذکورہ خاتون کو اس عادت پر قانونی کارروائی کا سامنا کرنا پڑا ہو، اس سے قبل مئی 2025ء میں انہیں اسی جرم اور پرندے پکڑنے کی ایک مہم میں مداخلت پر 1 ہزار 200 سنگاپورین ڈالرز جرمانہ عائد کیا گیا تھا۔ اس وقت انہوں نے عدالت کو یقین دلایا تھا کہ وہ دوبارہ ایسا نہیں کریں گی، تاہم وہ صرف ایک ماہ بعد ہی اپنی پرانی عادت پر واپس آ گئیں۔
یہ بھی پڑھیں: عمران خان اور بشریٰ بی بی کی شادی سے متعلق بہن مریم وٹو کا نیا انکشاف
عدالت میں شواہد
استغاثہ نے عدالت میں شواہد پیش کیے جن کے مطابق جولائی 2025ء سے جنوری 2026ء کے درمیان خاتون نے کم از کم 9 مرتبہ کبوتروں کو اناج اور روٹی کھلائی۔ عدالت میں دکھائی گئی ویڈیو فوٹیج میں انہیں سنگاپور کے سینٹرل ریجن کے علاقے توآپایوہ میں اپنی رہائش گاہ کے قریب کبوتروں کے جھنڈ کے درمیان دیکھا گیا۔
یہ بھی پڑھیں: ہانیہ عامر اور یاسر حسین کی سوشل میڈیا پر وائرل دلکش ویڈیو نے نئی بحث چھیڑ دی
ملاقات اور ندامت کا اظہار
عدالت کو بتایا گیا کہ خاتون نے اپنے حلقے کے رکنِ پارلیمنٹ سے ملاقات کر کے ندامت کا اظہار بھی کیا تھا، تاہم اس کے صرف 3 دن بعد ہی وہ دوبارہ پرندوں کو خوراک ڈالتی ہوئی پائی گئیں۔ استغاثہ نے ان کے طرزِ عمل کو قانون کی مسلسل خلاف ورزی قرار دیتے ہوئے مؤثر جرمانے کو ضروری قرار دیا۔
یہ بھی پڑھیں: کراچی کے تمام 7 اضلاع کے ماحولیاتی نمونوں میں پولیو وائرس کی موجودگی کا انکشاف
خاتون کی مالی حالت
خاتون نے عدالت کو بتایا کہ وہ بے روزگار ہیں اور ان کے پاس میڈیکل انشورنس بھی موجود نہیں ہے۔ انہوں نے جرمانہ کم کرنے اور اس کے بدلے کمیونٹی سروس کی پیشکش کی، تاہم جج کی جانب سے 3 ہزار 200 ڈالرز جرمانہ عائد کیے جانے کے بعد انہوں نے مکمل رقم فوری ادا کرنے پر رضامندی ظاہر کی۔
مستقبل میں ممکنہ جرمانے
میڈیا رپورٹس کے مطابق بطور بار بار جرم کرنے والی ملزمہ انہیں ہر الزام پر زیادہ سے زیادہ 10 ہزار سنگاپورین ڈالرز جرمانے کا بھی سامنا ہو سکتا تھا۔
