پاکستان مشکل میں ہے جس کی وجہ سیاسی ڈھانچہ درست نہ ہونا ہے، مفتاح اسماعیل

مفتاح اسماعیل کی تشویش

اسلام آباد (ڈیلی پاکستان آن لائن) سابق وزیر خزانہ مفتاح اسماعیل نےکہا ہے کہ پاکستان مشکل میں ہے جس کی وجہ سیاسی ڈھانچہ درست نہ ہونا ہے۔

یہ بھی پڑھیں: کراچی میں مدرسے کے استاد کے سر پرڈنڈا مارنے سے زخمی ہونے والا بچہ چل بسا

پاکستان کے مسائل

ایک بیان میں مفتاح اسماعیل نے کہا کہ پاکستان مسائل میں پھنس گیا ہے جہاں غربت اور بے روزگاری ہے، پاکستان کے آئین پر سب کو متفق ہونا چاہیے۔ پاکستان اس لیے مشکل میں ہے کہ سیاسی ڈھانچہ درست نہیں، اس لیے مسائل کا شکار نہیں کہ سیاستدان برے ہیں۔

یہ بھی پڑھیں: مودی شکست خوردہ وزیراعظم، صرف دھمکیاں دے سکتا ہے: وفاقی وزیراطلاعات

جمہوریت اور بلدیاتی نظام

سابق وزیر خزانہ نے کہا کہ 2008ء میں جمہوریت بحال ہوئی تو بلدیاتی نظام ختم کردیا گیا، دہشت گردی کے مکمل خاتمے تک پاکستان آگے نہیں بڑھ سکتا۔

تعلیم اور آبادی

آبادی کنٹرول کرنا ہوگی، 2 کروڑ سے زائد بچے اسکول نہیں جاتے، پاکستان میں وسائل کی کمی ہے۔ بھارت میں بچوں کو اسکول میں ناشتہ ملتا ہے، اس سے اسکول آنے والے بچوں کی تعداد میں اضافہ ہوتا ہے۔