سینیٹر شیری رحمان ایئرپورٹس پر ناکافی سہولیات اور بدانتظامی پر برہم، کہا ٹیکس دینے والے عوام بہتر سہولیات کے حق دار ہیں

شیری رحمان کی ایئرپورٹس پر بدانتظامی کی مذمت

اسلام آباد(ڈیلی پاکستان آن لائن) پاکستان پیپلز پارٹی کی سینئر رہنما و سینیٹر شیری رحمان ایئرپورٹس پر ناکافی سہولیات اور بدانتظامی پر برہم ہو گئیں۔

عوام کے حقوق کی آواز

سماجی رابطے کی سائٹ ایکس پر اپنے پیغام میں سینیٹر شیری رحمان نے کہا کہ ٹیکس دینے والے عوام بہتر سہولیات کے حق دار ہیں۔ انہوں نے محسن نقوی اور خواجہ آصف سے معاملے کا نوٹس لینے کا مطالبہ کیا۔ پاکستان کے ایئرپورٹس پر سہولیات کا فقدان ہے، خواتین کیلئے مختص گیٹ بار بار بند ہونے کی وجہ سے اسلام آباد انٹرنیشنل ایئرپورٹ پر خواتین کی لمبی قطار ہے۔

مسافروں کی مشکلات

رہنما پیپلز پارٹی نے کہا کہ ایک ہی گیٹ کھلا ہونے پر مسافروں کی مشکلات میں اضافہ ہو رہا ہے۔ خواتین کے لیے دوسرا گیٹ احتجاج کے بعد کھولا گیا مگر کچھ دیر بعد دوبارہ بند کر دیا گیا۔ جناح انٹرنیشنل ایئرپورٹ پر بھی یہی صورتحال ہے، ایئرپورٹ پر رویوں میں تبدیلی نہ آنے کی بدستور شکایات ہیں۔ پاکستان سول ایوی ایشن اتھارٹی سے فوری اصلاحات کی بھی اپیل کی گئی ہے۔

شیری رحمان کا ٹویٹ

What is happening at Pakistan’s airports? At Islamabad airport this morning the second gate for women was routinely closed, while a long line of women stood waiting only on the one open gate.
They opened the second gate earmarked for women when I insisted that these passengers… pic.twitter.com/XryICnuPZZ

— SenatorSherryRehman (@sherryrehman) February 14, 2026