بانی پی ٹی آئی کے جیل میں علاج کا ریکارڈ محکمہ داخلہ پنجاب کو ارسال

عمران خان کا طبی معائنہ

راولپنڈی (ڈیلی پاکستان آن لائن) سابق وزیراعظم اور بانی پی ٹی آئی عمران خان کے جیل میں ہونے والے طبی معائنے اور علاج کا مکمل ریکارڈ محکمہ داخلہ پنجاب کو ارسال کر دیا گیا ہے۔

یہ بھی پڑھیں: پی ٹی آئی ڈاٹس کو جوڑیں اور تجزیہ کریں علی امین کے اقدامات سے کس کو فائدہ اور کس کو نقصان ہوا: محمد مالک

محکمہ داخلہ پنجاب کی درخواست

نجی ٹی وی چینل سماء نیوز کے مطابق ذرائع کا کہنا ہے کہ محکمہ داخلہ پنجاب نے اڈیالہ جیل حکام سے بانی پی ٹی آئی کے علاج سے متعلق مکمل تفصیل طلب کی تھی، جس پر تمام مطلوبہ دستاویزات فراہم کردی گئی ہیں۔ ذرائع کے مطابق باقاعدگی سے ڈاکٹرز روزانہ تین مرتبہ بانی کا طبی معائنہ کرتے ہیں۔

یہ بھی پڑھیں: وزیر داخلہ محسن نقوی کی لندن میں برطانوی حکام سے ملاقات، چند پاکستانیوں کی حوالگی سے متعلق گفتگو

طبی ریکارڈ کی تفصیلات

ذرائع کے مطابق محکمہ داخلہ پنجاب کو ارسال ریکارڈ میں بلڈ پریشر، نبض، جسمانی درجہ حرارت اور شوگر لیول کا مکمل چارٹ شامل ہے۔ اس کے علاوہ آنکھوں سے متعلق بیماری کی تفصیل بھی رپورٹ کا حصہ ہے۔

ڈاکٹرز کی آراء

رپورٹ میں کنسلٹنٹ ڈاکٹرز کی آراء، میڈیکل اسٹاف کی تفصیلات سمیت یہ ریکارڈ بھی شامل ہے کہ کس ڈاکٹر نے کب بانی پی ٹی آئی کا طبی معائنہ کیا۔ ذرائع کے مطابق ڈاکٹرز روزانہ تین مرتبہ باقاعدگی سے طبی معائنہ کرتے ہیں جبکہ تمام اہم علامات اور طبی معائنے کا ریکارڈ باقاعدگی سے مرتب کیا جاتا ہے۔