نیویارک میں واقع تاریخی روز ویلٹ ہوٹل کی تجدید اور ترقی کے لیے پاکستان اور امریکا نے باضابطہ تعاون شروع کر دیا
پاکستان اور امریکا کا تعاون
اسلام آباد (ڈیلی پاکستان آن لائن) نیویارک میں واقع تاریخی روز ویلٹ ہوٹل کی تجدید اور ترقی کے لیے پاکستان اور امریکا نے باضابطہ تعاون شروع کر دیا ہے۔
یہ بھی پڑھیں: معیشت میں بہتری کے واضح اشارے دکھائی دے رہے ہیں
مفاہمتی یادداشت پر دستخط
وزارت خزانہ کے اعلامیے کے مطابق دونوں ممالک کے درمیان مفاہمتی یادداشت (MoU) پر دستخط کر دیے گئے ہیں۔پاکستان کی جانب سے وزیرخزانہ محمد اورنگزیب اورامریکا کی جانب سے ایڈمنسٹریٹر ایڈورڈ سی فورسٹ نے اس موقع پردستخط کیے ، اس موقع پروزیراعظم محمد شہبازشریف اورامریکی نمائندہ خصوصی اسٹیو وٹکوف بھی موجود تھے۔
یہ بھی پڑھیں: پاکستان نے انٹرنیشنل بائیولوجی اولمپیاڈ میں پہلا گولڈ میڈل حاصل کرلیا
بحالی کا جامع فریم ورک
اعلامیے میں بتایا گیا ہے کہ روز ویلٹ ہوٹل کی بحالی اورترقی کے لیے ایک جامع فریم ورک ترتیب دیا گیا ہے، جس کے تحت ہوٹل کے آپریشن، تجدید اور سرمایہ کاری کے امور میں مشترکہ تعاون ہوگا۔
یہ بھی پڑھیں: پی ٹی آئی اسٹیبلشمنٹ سے مذاکرات چاہتی ہے تو آئیں، ان کو بھی ساتھ بٹھا لیں، طارق فضل چوہدری نے پیشکش کردی۔
نئی اقتصادی راہیں
وزارت خزانہ نے کہا کہ یہ منصوبہ نہ صرف تاریخی ہوٹل کی دوبارہ زندگی بخشے گا بلکہ پاک-امریکا اقتصادی تعلقات میں بھی نئی پیشرفت کا سبب بنے گا۔
یہ بھی پڑھیں: ایرانی پورٹ بندر عباس پر حملے میں جاں بحق پاکستانی نوجوان کی میت کراچی پہنچا دی گئی
ثقافتی اہمیت
یاد رہے کہ روز ویلٹ ہوٹل تاریخی اور ثقافتی اہمیت کا حامل ہے اور اس کی بحالی سے نہ صرف نیویارک میں سیاحت کو فروغ ملے گا بلکہ پاکستان اور امریکا کے درمیان اقتصادی تعلقات کو بھی مضبوطی ملے گی۔
مشترکہ ترقی کے مواقع
منصوبے کے ذریعے دونوں ممالک سرمایہ کاری، ٹیکنالوجی اور انتظامی تعاون کے ذریعے مشترکہ ترقی کو فروغ دیں گے.
روزویلٹ ہوٹل کی بحالی کیلئے پاکستان اور امریکا کا باضابطہ تعاون شروع،وزارت خزانہ
روز ویلیٹ ہوٹل منصوبے پر پاکستان اور امریکا کے مفاہمتی یادداشت پر دستخط،اعلامیہ
وزیرخزانہ محمد اورنگزیب اورامریکا کی طرف سے ایڈمنسٹریٹر ایڈورڈ سی فورسٹ نے دستخط کیے
وزیراعظم شہبازشریف اور…— Muhammad Asim Naseer (@AsimNaseer81) February 19, 2026
