ٹی 20 ورلڈ کپ، سپر ایٹ مرحلے کا آغاز کل پاکستان کے میچ سے ہو گا
ٹی 20 ورلڈ کپ کا آغاز
کولمبو(ڈیلی پاکستان آن لائن) ٹی 20 ورلڈ کپ کے سپر ایٹ مرحلے کا آغاز کل سے ہو گا، پہلے میچ میں پاکستان اور نیوزی لینڈ کی ٹیمیں مد مقابل آئیں گی۔
یہ بھی پڑھیں: سیلاب کا خطرہ، رحیم یارخان میں 12 فلڈ ریلیف کیمپ قائم، 7ہزار آبادی کا انخلاء
میچ کی تفصیلات
پاکستان اور نیوزی لینڈ کے درمیان مقابلہ شام ساڑھے 6 بجے کولمبو میں ہو گا۔ کیویز کی ٹیم کا کولمبو میں پریما داسا سٹیڈیم میں پریکٹس سیشن ہوا، بارش کے باعث نیوزی لینڈ کی ٹیم کو مقررہ وقت سے آدھا گھنٹہ پہلے ٹریننگ ختم کرنا پڑی۔
یہ بھی پڑھیں: سیمی فائنل کی دوڑ، پاکستان کو کل سری لنکا کے خلاف 64 رنز سے جیتنا ہوگا، بعد میں بیٹنگ کی تو 13.1 اوورز میں ہدف پورا کرنا ہوگا
پریکٹس سیشن کی منسوخی
شدید بارش اور گیلی آؤٹ فیلڈ کی وجہ سے قومی کرکٹ ٹیم کا پریکٹس سیشن منسوخ ہو گیا، قومی کرکٹ ٹیم نے نیوزی لینڈ کیخلاف میچ کی تیاری کیلئے پریما داسا سٹیڈیم میں تین گھنٹے ٹریننگ کرنا تھی۔
یہ بھی پڑھیں: ایران کا اقوامِ متحدہ کو خط، فوجی جارحیت کی صورت میں سخت جواب کا اعلان
موسمی پیش گوئی
کل پاکستان اور نیوزی لینڈ کے درمیان میچ میں بھی بارش کی پیش گوئی کی گئی ہے، نیوزی لینڈ کے بیٹر مارک چیپ مین کا کہنا ہے کہ کنڈیشنز کی وجہ سے ٹاس کا کردار اہم بن جاتا ہے۔
مارک چیپ مین کی رائے
مارک چیپ مین نے کہا کہ سری لنکا کی کنڈیشنز میں سپنرز اہم ہو سکتے ہیں، پاکستان کے پاس اچھے سپنرز ہیں، بھارت میں پچز بیٹنگ کے لئے ساز گار تھیں۔
