کوچ برینڈن میکولم نے صبح ہی مجھے نمبر 3پر بیٹنگ کے لیے تیار رہنے کا پیغام دیا تھا ، شاندار سنچری مار کر پاکستان کو ہرانے والے انگلش کپتان ہیری بروک کی گفتگو

ہیری بروک کی شاندار کارکردگی

کینڈی(ڈیلی پاکستان آن لائن)ٹی ٹوئنٹی ورلڈ کپ کے سپر ایٹ مرحلے میں پاکستان کے خلاف میچ وننگ سنچری سکور کرنے والے انگلش کپتان ہیری بروک کو شاندار کارکردگی پر 'پلیئر آف دی میچ' قرار دیا گیا ہے۔

یہ بھی پڑھیں: کرم میں تشدد کی لہر کو روکنے والا کوئی نہیں، حکومت کہاں ہیں؟

سیمی فائنل کی تیاری

اس موقع پر گفتگو کرتے ہوئے ہیری بروک نے کہا کہ سیمی فائنل کے لیے کوالیفائی کرنا ایک بہترین احساس ہے اور اب ہماری تمام تر توجہ نیوزی لینڈ کے خلاف اگلے میچ پر مرکوز ہے۔

یہ بھی پڑھیں: چاہت فتح علی خان نے بھارتی فلمساز کرن جوہر کو بڑی پیشکش کر دی

بیٹنگ پوزیشن کی تبدیلی

انہوں نے اپنی بیٹنگ پوزیشن میں تبدیلی کے حوالے سے بتایا کہ کوچ برینڈن میکولم نے صبح ہی انہیں نمبر 3 پر بیٹنگ کے لیے تیار رہنے کا کہا تھا، کیونکہ ٹیم حالات کے مطابق ڈھلنے اور بہادری سے فیصلے کرنے کی حکمت عملی پر عمل پیرا ہے۔

یہ بھی پڑھیں: انسانی جسم کو اندر سے کھانے والی فنگس کے پھیلاؤ میں اضافہ

پاکستانی ٹیم کی تعریف

ہیریک بروک کا کہنا تھا کہ انہیں خوشی ہے کہ وہ کریز پر زیادہ سے زیادہ وقت گزارنے اور ٹیم کو ایک مشکل صورتحال سے نکالنے میں کامیاب رہے۔ پاکستانی ٹیم کی تعریف کرتے ہوئے انہوں نے کہا کہ پاکستان کے پاس ہمیشہ عالمی معیار کے کھلاڑی ہوتے ہیں اور ان کے خلاف فتح حاصل کرنا خوش آئند ہے۔

کمال کی تلاش

انہوں نے مزید کہا کہ اگرچہ کھیل میں مکمل کمال (Perfection) حاصل کرنا مشکل ہے، لیکن وہ اور ان کی ٹیم ہمیشہ اپنی خامیوں کو دور کرنے اور بہتر سے بہتر کارکردگی دکھانے کی کوشش کرتے رہتے ہیں۔ ان کا کہنا تھا کہ ان کے لیے سنچری سے زیادہ اہم بات یہ تھی کہ وہ ٹیم کو جیت کی دہلیز پار کروانے میں کامیاب ہوئے۔