ایران سے چھٹے روزمزید 265 پاکستانی وطن واپس پہنچ گئے، مجموعی تعداد 1762 ہوگئی۔

پاکستانیوں کی وطن واپسی کا سلسلہ

کوئٹہ(ڈیلی پاکستان آن لائن) ایران میں مقیم پاکستانیوں کی وطن واپسی کا سلسلہ چھٹے روز بھی جاری رہا۔ ضلعی حکام کے مطابق گبدیمدان اور تفتان بارڈر سے آج مجموعی طور پر 265 افراد واپس وطن پہنچے، ایران سے تفتان پاسپورٹ گیٹ کے ذریعے آج 200 افراد وطن پہنچ گئے۔

وطن واپس آنے والے افراد کی تفصیلات

ایسی طرح گبدیمدان سرحد سے مجموعی طور پر 65 افراد وطن واپس پہنچے جبکہ چھ روز کے دوران مجموعی طور پر 1762 افراد ایران سے تفتان پہنچے ہیں۔ حکام نے مزید کہا کہ وطن واپس پہنچنے والوں میں طلباء اور سیاح بھی شامل ہیں، ایران سے آنے والے تمام افراد کو سہولیات فراہم کی جا رہی ہیں۔