پختونخوا: سرکاری محکموں کی میٹنگز 100 فیصد ورچوئل ہونگی، 50 فیصد ورک فرام ہوم نافذ کرنے کا فیصلہ

پشاور میں خیبرپختونخوا کابینہ کے اہم فیصلے

پشاور (ڈیلی پاکستان آن لائن) خیبرپختونخواکابینہ اجلاس میں بین الاقوامی صورتحال کے تناظر میں اہم فیصلے کئے گئے ہیں۔

یہ بھی پڑھیں: کس نے پولیس کو اختیار دیا کہ لوگوں کو گنجا کرکے ویڈیو سوشل میڈیا پر اپلوڈ کریں؟ لاہور ہائیکورٹ

ایندھن بچت اقدامات

نجی ٹی وی چینل دنیا نیوز کے مطابق معاون خصوصی اطلاعات شفیع جان کا کہنا ہے کہ کابینہ اجلاس میں ایندھن بچت اور ذمہ دار طرز حکمرانی اقدامات کی منظوری دی گئی۔ یہ اقدامات 2 ماہ کے لیے نافذ کیے جائیں گے۔

یہ بھی پڑھیں: سعودی عرب جانے کے لیے مودی نے پاکستانی فضائی حدود استعمال کی لیکن واپسی پر کیا کیا؟ تفصیل سامنے آ گئی

آن لائن ملاقاتوں کا فیصلہ

شفیع جان کا کہنا تھا کہ سرکاری محکموں کی میٹنگز کو 100 فیصد آن لائن کرنے کا فیصلہ کیا گیا ہے۔ سرکاری گاڑیوں کے فیول الاؤنس میں 25 فیصد کمی کی منظوری دی گئی، اس کے علاوہ ایندھن الاؤنس میں مجموعی کٹوتی 50 فیصد ہوگی۔

یہ بھی پڑھیں: ملک میں متوازی نظام قائم کرنے کی اجازت نہیں دے سکتے، وزیرداخلہ

کام سے متعلق نئی پالیسی

معاون خصوصی اطلاعات نے کہا کہ سرکاری دفاتر میں 50 فیصد ورک فرنس فراہم ہوم پالیسی متعارف کرانے کا فیصلہ کیا گیا ہے۔ پروٹوکول گاڑیوں اور ہیلی کاپٹر کے غیر ضروری استعمال میں کمی لانے کا بھی فیصلہ کیا گیا ہے۔ مزید یہ کہ سرکاری اخراجات میں کفایت شعاری، غیرضروری تقریبات، اور عشائیوں پر پابندی لگائی جائے گی۔ پولیس، ریسکیو اور قانون نافذ کرنے والے ادارے ایندھن کی کٹوتی سے مستثنیٰ ہوں گے۔

یہ بھی پڑھیں: سیکیورٹی فورسز کے خیبرپختونخوا میں دو مختلف آپریشنز، 4 خوارجی ہلاک

تعلیمی اداروں کی بندش کی تجویز

شفیع جان کا کہنا ہے کہ ایندھن کی بچت کے لیے جمعہ کو تعلیمی ادارے بند رکھنے کی تجویز ہے۔ کسانوں اور گندم کی کٹائی کے لیے ڈیزل کی فراہمی یقینی بنائی جائے گی، اور پیٹرول پمپس کی روزانہ مانیٹرنگ کے ساتھ ساتھ ذخیرہ اندوزی کے خلاف سخت کارروائی کی جائے گی۔

وزیراعلیٰ کی بات

وزیراعلیٰ سہیل آفریدی نے کہا ہے کہ مشکل حالات میں سب سے پہلے حکمرانوں کو اپنی مراعات کم کرنی چاہئیں۔ پروٹوکول اور سرکاری اخراجات میں کمی لا کر عوام کو ریلیف دیا جانا چاہئے۔ بانی پی ٹی آئی کے دور میں عالمی وبا کے باوجود عوام کو ریلیف دیا گیا۔ خیبرپختونخوا حکومت عوام پر بوجھ ڈالنے والے ہر فیصلے کی مخالفت کرے گی۔