مشکل وقت میں ایران کی قیادت اور عوام کے ساتھ کھڑے ہیں، وزیراعظم شہبازشریف کا نومنتخب سپریم لیڈر مجتبیٰ خامنہ ای کو خط

اسلام آباد (ڈیلی پاکستان آن لائن) وزیراعظم شہبازشریف نے ایران کے نومنتخب سپریم لیڈر مجتبیٰ خامنہ ای کو خط لکھا ہے، جس میں یت اللہ خامنہ ای کی شہادت پر تعزیت کا اظہارکیا گیا اور انہوں نے ایران کے برادر عوام اور امت مسلمہ کے لیے پاکستانی عوام کی تعزیت اور دعاؤں کا اظہار کیا۔

تعزیت اور یکجہتی

خط کے متن کے مطابق آیت اللہ خامنہ ای کی شہادت کی وجہ سے پاکستانی عوام شدید دکھ میں ہے، اس مشکل وقت میں ایران کی قیادت اور عوام کے ساتھ یکجہتی کے ساتھ کھڑے ہیں۔ وزیراعظم نے ایرانی سپریم لیڈر کو مبارک باد دی اور کہا کہ آپ کو ایران کے سپریم لیڈر کی ذمہ داریاں سنبھالنے پر مبارک باد دیتے ہیں، امید ہے آپ کی قیادت آنے والے سالوں میں ایران میں امن، استحکام، وقار اور خوشحالی کی طرف رہنمائی کرے گی۔

پاکستان اور ایران کے تعلقات

وزیراعظم کے مطابق پاکستان اور ایران کے تعلقات مشترکہ عقیدے، تاریخ، ثقافت اور زبان پر مبنی ہیں۔ وزیراعظم نے ایران کے ساتھ مل کر کام جاری رکھنے کے لیے پاکستان کے عزم اور دونوں برادر ممالک کے مفاد کے لیے باہمی دلچسپی کے تمام شعبوں میں دوطرفہ تعاون کو مزید مستحکم کرنے کا اعادہ کیا۔ شہباز شریف نے مجتبیٰ خامنہ ای کی صحت، کامیابی اور ایران کے عوام کے لیے امن، استحکام اور خوشحالی کے لیے بھی دعا کی۔

ایرانی سپریم لیڈر کی شہادت

خیال رہے کہ گزشتہ دنوں ایران میں امریکی اور اسرائیلی جارحیت میں ایران کے سپریم لیڈر آیت اللہ خامنہ ای خاندان کے دیگر افراد کے ہمراہ شہید ہوگئے تھے، ان کی شہادت کے بعد دو روز قبل آیت اللہ خامنہ ای کے بیٹے مجتبیٰ خامنہ ای کو سپریم لیڈر منتخب کیا گیا۔

عالمی ردعمل

امریکی صدر ٹرمپ اور اسرائیل نئی ایرانی قیادت کو بھی نشانہ بنانے کا اعلان کرچکے ہیں۔

I congratulate His Eminence Ayatollah Mojtaba Khamenei on his assumption of the responsibilities of Supreme Leader of the Islamic Republic of Iran. I also reiterate deepest condolences and prayers on behalf of the people of Pakistan on the martyrdom of his father, Ayatollah Ali…

— Shehbaz Sharif (@CMShehbaz) March 10, 2026