یوٹیوبر سعد الرحمان عرف ڈکی بھائی سے رشوت وصول کرنے اور اختیارات کے ناجائز استعمال کے معاملے میں لاہور ہائیکورٹ نے سابق ڈائریکٹر این سی سی آئی سرفراز چودھری کی ضمانت منظور کرلی

لاہور ہائیکورٹ کا فیصلہ

لاہور(ڈیلی پاکستان آن لائن) یوٹیوبر سعد الرحمان عرف ڈکی بھائی سے رشوت وصول کرنے اور اختیارات کے ناجائز استعمال کے معاملے میں لاہور ہائیکورٹ نے سابق ڈائریکٹر این سی سی آئی سرفراز چودھری کی ضمانت منظور کرلی۔ عدالت نے سابق ڈائریکٹر این سی سی آئی سرفراز چوہدری کو رہا کرنے کا حکم دے دیا۔

یہ بھی پڑھیں: غیر ذمہ دار بھارتی حکمرانوں نے اپنی افواج پر وہ بوجھ ڈالا جو وہ اٹھانے کے قابل نہیں تھے: سابق پاکستانی جنرل

سماعت کی تفصیلات

جسٹس عہبر گل خان نے سابق ایڈیشنل ڈائریکٹر سائبر کرائم سرفراز چودھری کی درخواست ضمانت پر سماعت کی۔ وکیل صفائی نے بتایاکہ اس مقدمہ کی تفتیش مکمل ہوچکی ہے، اس مقدمہ کے دو ملزمان سابق ڈپٹی ڈائریکٹرز کی ماتحت عدالت ضمانت منظور کر چکی ہیں، سابق ڈائریکٹر زوار احمد اور محمد عثمان کی ضمانت منظور ہو چکی ہے۔

عدالت کا فیصلہ

وکیل صفائی نے عدالت کو بتایاکہ ملزم سرفراز چوہدری سے ریکوری ہوچکی ہے۔ سرکاری وکیل نے درخواست ضمانت کی مخالفت کی لیکن عدالت کو مطمئن نہ کرسکا۔ عدالت نے فریقین کے وکلاء کے دلائل سننے کے بعد ملزم سرفراز چوہدری کی درخواست ضمانت منظور کرلی۔