عزیر بلوچ کی درخواست ضمانت دوسری مرتبہ مسترد

انسداد دہشتگردی عدالت کا فیصلہ

کراچی (ڈیلی پاکستان آن لائن) انسداد دہشتگردی عدالت نے 7 مقدمات میں عزیر بلوچ کی درخواست ضمانت دوسری مرتبہ مسترد کردی۔

یہ بھی پڑھیں: اپنی شادی میں نوٹ برسانے والے میک اپ آرٹسٹ کو 6 ماہ قید کی سزا سنادی گئی

درخواست ضمانت کا پس منظر

لیاری گینگ وار کے سرغنہ عزیر بلوچ کی 7 مقدمات میں درخواست ضمانت کی سماعت ہوئی، جو دوسری مرتبہ مسترد کردی گئی۔

یہ بھی پڑھیں: عمرے کی آڑ میں گداگری کیلئے سعودی عرب جانے کی کوشش میں تین خواتین گرفتار

مقدمات کی تفصیلات

’’جنگ‘‘ کے مطابق پولیس کا کہنا ہے کہ عزیر بلوچ و دیگر کے خلاف کلا کوٹ تھانے میں مقدمات درج ہیں۔ ان کے خلاف تمام 7 مقدمات 2012 میں درج کیے گئے تھے۔ عزیر بلوچ اور دیگر پر قتل، اقدام قتل، پولیس مقابلہ، دھماکا خیز مواد رکھنے کے الزامات ہیں۔

پچھلا عدالتی فیصلہ

اس سے قبل عدالت نے اگست 2022 میں عزیر بلوچ کی درخواست ضمانت مسترد کی تھی۔ کیسز میں نامزد دیگر ملزمان میں امین بلیدی، ذاکر ڈاڈا، زبیر بلوچ، اور دیگر شامل ہیں۔