پاکستانی مایہ ناز کھلاڑیوں کی شرکت، امریکہ میں کے ٹو اسکواش کلب کے زیر اہتمام عالمی ایونٹس کا انعقاد

کے ٹو اسکواش کلب کی تاریخی میزبانی

لاہور(ڈیلی پاکستان آن لائن) امریکہ میں قائم 'کے ٹو اسکواش کلب' رواں سال اپریل میں اپنی تاریخ کے پہلے 'پی ایس اے چیلنجر ٹورنامنٹس' کی میزبانی کے لیے تیار ہے، جو کلب کی عالمی شناخت میں ایک اہم سنگ میل ثابت ہوگا۔ ٹورنامنٹ ڈائریکٹر محمد نوید عالم کی زیر نگرانی منعقد ہونے والے ان مقابلوں کو پروفیشنل اسکواش ایسوسی ایشن (PSA) نے منظور کر لیا ہے۔

یہ بھی پڑھیں: ایک ہفتے میں ملکی مجموعی زرمبادلہ ذخائر میں 4 کروڑ 30 لاکھ ڈالر کا اضافہ

پہلا مرحلہ: مردوں کا چیلنجر ایونٹ

دو مرحلوں پر مشتمل اس ٹورنامنٹ کا پہلا مرحلہ 8 سے 12 اپریل تک منعقد ہوگا، جس میں 15 ہزار ڈالر انعامی رقم کا 'مینز چیلنجر ایونٹ' شامل ہے۔ اس ایونٹ میں سلمان خلیل، ٹام Walsh، محمد شرف اور یاسین الشافعی جیسے نامور کھلاڑی ایکشن میں نظر آئیں گے، جبکہ احسن ایاز بطور وائلڈ کارڈ انٹری شرکت کریں گے۔ ایونٹ کا فائنل 12 اپریل کو کھیلا جائے گا۔

یہ بھی پڑھیں: ایران اور امریکہ کے 2 رہنما براہِ راست رابطے میں رہے، امریکی میڈیا کا دعویٰ

دوسرا مرحلہ: خواتین کا چیلنجر ایونٹ

دوسرے مرحلے میں 22 سے 26 اپریل تک ویمنز چیلنجر ایونٹ منعقد ہوگا، جس کی مجموعی انعامی رقم 6 ہزار ڈالر رکھی گئی ہے۔ اس میں زینہ زین، لورا سلوا، لوسی اسٹیفانونی اور ملکہ طہٰ سمیت عالمی رینکنگ کی کھلاڑی حصہ لیں گی۔

کلب کی عالمی حیثیت میں اضافہ

کے ٹو اسکواش کلب کے مالک کرامت اللہ خان اور ٹورنامنٹ ڈائریکٹر محمد نوید عالم (جو لیجنڈری جہانگیر خان کے ساتھ 15 سالہ تجربہ رکھتے ہیں) کی قیادت میں یہ ایونٹس کلب کو عالمی اسکواش کے نقشے پر ایک نمایاں مقام دلانے کی کوششوں کا تسلسل ہیں۔ ماضی میں 'سیٹلائٹ ایونٹس' کی کامیاب میزبانی کے بعد اب ہائیر ٹیر مقابلوں کا انعقاد کلب کے بہترین انفراسٹرکچر اور تنظیمی صلاحیتوں کا منہ بولتا ثبوت ہے۔