دنیا عالمی امن کے لیے سیرت طیبہ کا مطالعہ کرے: ڈاکٹر طاہر القادری کا پرتگال میں کانفرنس سے خطاب
خطاب میں اہم نکات
لاہور(ڈیلی پاکستان آن لائن) بانی و سرپرست اعلیٰ منہاج القرآن انٹرنیشنل ڈاکٹر محمد طاہرالقادری نے اسلامک سنٹر پرتگال (لزبن) میں منعقدہ ”سیرت النبیؐ و امن عالم کانفرنس“ سے خطاب کرتے ہوئے کہا ہے کہ دنیا عالمی امن کیلئے سیرت طیبہ کا مطالعہ کرے۔
یہ بھی پڑھیں: دبئی میں 1 کروڑ 19 لاکھ روپے میں دنیا کا مہنگا ترین کاک ٹیل فروخت، اس کو کیسے تیار کیا گیا؟
امن کے اصول
آپ ﷺنے کرۂ ارض پر پہلی بار جنگ کے اصول اور اخلاقیات کے پیمانے مقرر فرمائے۔ فتح مکہ کی عام معافی جیسی کوئی ایک مثال آج تک دنیا کا کوئی فاتح پیش نہیں کر سکا۔
یہ بھی پڑھیں: یاسمین راشد، عمرسرفراز، محمود الرشید اور اعجاز چوہدری کی جائیدادیں ضبط کرنے کا حکم
روحانی و اخلاقی ترقی
اللہ تعالیٰ نے انسان کی تخلیق مادی ترقی کے لیے نہیں بلکہ روحانی و اخلاقی کمال حاصل کرنے کے لیے فرمائی۔ اللہ کی زمین کو فساد سے بچانا، اسے امن و انصاف کا گہوارہ بنانا کرۂ ارض پر بسنے والے ہر باسی پر فرض ہے۔
یہ بھی پڑھیں: شام کی جنگ میں اسرائیل کا چیلنج: کیا بشار الاسد کی کمزور حکومت کی حفاظت کرے یا باغیوں کا نیا خطرہ مول لے؟
مذہب اور انسانی جان کی اہمیت
دنیا کا کوئی مذہب خواہ وہ الہامی ہو یا غیر الہامی بے گناہ انسانوں کو قتل کرنے اور ظلم و جبر سے روکتا ہے۔ قیامت کے روز اللہ اپنی زمین کے اسباب، اثمار اور نعمتوں کے ضیاع اور بلاجواز نقصان پہنچائے جانے پر باز پرس کرے گا۔
یہ بھی پڑھیں: جامنی کوئی رنگ نہیں بلکہ دماغ کا تخلیق کردہ ایک وہم ہے، ماہرین کا انکشاف
اسلام کی رواداری
اسلام نے خونی جنگ و جدل، خون ریزی، کمزوروں کی بزور طاقت حق تلفی اور انہیں جبراً غلام بنانے کی روش کو یکسر مسترد کیا ہے۔ اسلام نے ہر شخص کی مذہبی، قومی، خاندانی، سیاسی و سماجی شناخت کو تحفظ اور حقوق و فرائض کا جامع تصور دیا۔
یہ بھی پڑھیں: زکوڑی گروپ کی سمیدا کے زیر اہتمام ”میڈ اِن پاکستان ایکسپو“ میں شرکت، ZIL کی مصنوعات کی قومی سطح پر نمائش کی۔
انسانی زندگی کا احترام
ہر معاشرے اور سماج کو آج رواداری، اعتدال جیسی اعلیٰ اخلاقی اقدار کی ضرورت ہے۔ انسانی زندگی بہت قیمتی ہے، اس کا احترام اور تحفظ کیا جائے۔
یہ بھی پڑھیں: بھارت کا پاکستان مخالف نظریہ ہمارے اور بھارتی عوام دونوں کے لیے خطرناک ہے:بلاول
کانفرنس میں شریک اہم شخصیات
کانفرنس میں چیئرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری، صدر منہاج یورپین کونسل بلال اپل، سرپرست منہاج القرآن پرتگال محمد صغیر، صدر منہاج القرآن پرتگال کاشف نذیر سمیت مختلف شعبہ ہائے زندگی سے تعلق رکھنے والی نمایاں شخصیات، دانشوروں اور کمیونٹی نمائندگان نے شرکت کی۔
بین المذاہبی رواداری
اس موقع پر سکھ کمیونٹی کے رہنماؤں اور اسلامک سنٹر لزبن کے عہدیداران و اراکین کی شرکت نے بین المذاہب رواداری اور بھائی چارے کا عملی مظاہرہ پیش کیا۔
