50 لاکھ گھر، 10لاکھ نوکریاں کہاں ہیں؟ پی ٹی آئی کے رکن خیبرپختونخوا اسمبلی اپنی ہی حکومت پر برس پڑے

عبدالکریم تورڈھیر کی حکومت پر تنقید

پشاور (ویب ڈیسک) پاکستان تحریک انصاف (پی ٹی آئی) کے رکن عبدالکریم تورڈھیر خیبر پختونخوا (کے پی) اسمبلی میں اپنی ہی حکومت پر برس پڑے۔

یہ بھی پڑھیں: پاکستان کے زرمبادلہ ذخائر میں نمایاں اضافہ ریکارڈ، ملکی ڈالر ریزرو 45 ماہ کی بلند ترین سطح پر پہنچ گئے

اجلاس میں سوالات

جیو نیوز کے مطابق دوران اجلاس عبدالکریم نے سوال اٹھایا کہ 50 لاکھ گھر، 10 لاکھ نوکریاں، ٹورازم اور آئی ٹی کہاں ہیں؟ گزشتہ اجلاس میں سچ بولا تو مشیر خزانہ مزمل اسلم خفا ہوگئے۔

یہ بھی پڑھیں: ویتنام میں سیاحوں کی کشتی کو حادثہ، مرنیوالوں کی تعداد 37 ہوگئی

ترقیاتی منصوبوں کی کمی

عبدالکریم کا کہنا تھا کہ سالانہ ترقیاتی منصوبوں سے ہماری اسکیمیں ہٹا دی جاتی ہیں، ہمیں انصاف کرنا پڑے گا، پک اینڈ چوز کا سلسلہ بند کریں۔

یہ بھی پڑھیں: ملتان میں تحریک انصاف کے رکن پنجاب اسمبلی داؤد خان جتوئی ضمانت خارج ہونے پر گرفتار

صوبائی مسائل پر توجہ

رکن صوبائی اسمبلی کا کہنا تھا کہ صوابی سب سے زیادہ آمدن والا ضلع ہے اور ہم خوار ہو رہے ہیں، کرک میں کینسر پھیل رہا ہے، وہاں اے گریڈ اسپتال نہیں، ہم سستی بجلی پیدا کر رہے ہیں لیکن نظام اپڈیٹ نہیں ہو رہا۔

قانون سازی کی ضرورت

عبدالکریم کا کہنا تھا کہ قانون سازی کرنی چاہیے، ہمیں حقوق کیوں نہیں مل رہے، لوگ دریاؤں میں مفت مچھلیاں پکڑ رہے ہیں، کوئی نظام نہیں ہے، خیبر پختونخوا میں گڈگورننس صرف پریزنٹیشن میں ہے۔