وزیر خزانہ محمد اورنگزیب نے موٹر سائیکل سواروں کیلئے ٹارگٹڈ سبسڈی کا اعلان کردیا

وزیر خزانہ کا موٹر سائیکل سواروں کے لیے سبسڈی کا اعلان

اسلام آباد (ڈیلی پاکستان آن لائن) وفاقی وزیر خزانہ محمد اورنگزیب نے موٹر سائیکل سواروں کے لیے ٹارگٹڈ سبسڈی کا اعلان کردیا۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

مشترکہ نیوز کانفرنس میں اہم فیصلے

وزیر پٹرولیم علی پرویز ملک کے ہمراہ مشترکہ نیوز کانفرنس سے خطاب کرتے ہوئے انہوں نے کہا کہ آج جو فیصلہ کیا گیا ملک کی قیادت کی مشاورت سے کیا گیا ہے۔ ٹارگٹڈ سبسڈی کا اعلان کیا جا رہا ہے تاکہ یہ حقیقی حقدار تک پہنچے۔ ہر ماہ 20 لیٹر پیٹرول پر موٹرسائیکل کے لیے 100 روپے فی لیٹر سبسڈی دی جائے گی۔

یہ بھی پڑھیں: قومی باکسر عثمان وزیر کا ہانیہ عامر کو باکسنگ کی ٹریننگ دینے کا انکشاف

دیگر سبسڈیز کا اعلان

وزیر خزانہ نے کہا کہ انٹرسٹی پبلک ٹرانسپورٹ کو ڈیزل پر بھی فی لیٹر 100 روپے سبسڈی دی جائے گی، جبکہ ٹرک اور گڈز ٹرانسپورٹ کو فیول پر 70 ہزار روپے ماہانہ سبسڈی دی جائے گی۔ ریلوے کے لیے حکومت سبسڈی دے گی تاکہ کرایوں کو منیج کیا جا سکے۔

پیٹرول اور ڈیزل کی قیمتوں میں اضافہ

واضح رہے کہ حکومت نے پیٹرول اور ڈیزل کی قیمت میں تاریخی اضافہ کیا ہے۔ وزیر پٹرولیم علی پرویز ملک کے اعلان کے مطابق پیٹرول کی قیمت میں 137 روپے 23 پیسے فی لیٹر اضافہ کیا گیا ہے جس کے بعد نئی قیمت 458 روپے 40 پیسے فی لیٹر کر دی گئی ہے۔ ڈیزل کی قیمت میں 184 روپے 49 پیسے فی لیٹر اضافہ کرکے اس کی نئی قیمت 520 روپے 35 پیسے مقرر کی گئی ہے۔