حکومت کب تک الیکٹرک گاڑیوں سے متعلق نئی پالیسی لانے کا فیصلہ کرچکی ہے؟ وفاقی وزیر نے بتادیا

وفاقی وزیر کی نئی پالیسی کا اعلان

لاہور(این این آئی) وفاقی وزیر صنعت و پیداوار رانا تنویر حسین نے کہا ہے کہ نومبر میں الیکٹرک وہیکل کیلئے نئی پالیسی لے آئیں گے، یہ گاڑیاں نہ صرف پاکستان میں تیار کی جائیں بلکہ برآمد بھی کی جائیں گی۔

یہ بھی پڑھیں: ترکیہ کے معروف مذہبی رہنما فتح اللہ گولن امریکہ میں انتقال کر گئے

آٹو نمائش میں شرکت

ایکسپو میں آٹو نمائش کے دورے کے موقع پر میڈیا سے گفتگو کرتے ہوئے رانا تنویر نے کہا کہ نمائش میں آکر بہت خوشی ہو رہی ہے، وینڈرز کو بہت قدر کی نگاہ سے دیکھ رہا ہوں جو لوکل کے ساتھ ایکسپورٹ بھی کرتے ہیں۔

یہ بھی پڑھیں: 2025ء کے پہلے 6 مہینوں میں 950 بچوں کے جنسی استحصال کے واقعات رپورٹ

استعمال شدہ گاڑیوں کی درآمد پر پابندیاں

حکومت نے استعمال شدہ گاڑیوں کی درآمد پر بتدریج پابندی لگانے کا فیصلہ کر رکھا ہے۔ استعمال شدہ امپورٹڈ گاڑیوں سے مقامی انڈسٹری کو نقصان پہنچا ہے، اور استعمال شدہ گاڑیوں کی درآمد کرنے کی پالیسی کا غلط استعمال کیا گیا ہے، جس سے کروڑوں ڈالرز کا زرمبادلہ ضائع ہوتا ہے۔

مقامی صنعت کی بہتری

انہوں نے کہا کہ مقامی گاڑیوں تیار کرنے والوں نے حکومت کے ساتھ کئے گئے معاہدے پورے نہیں کیے، اب حکومت ان معاہدوں پر عمل کروائے گی اور اسی سے روزگار بھی میسر آئے گا۔ سستی اور معیار والی گاڑی دینا کمپنیوں کی ذمہ داری ہے تاکہ کم آمدنی والا فرد بھی اپنی سواری حاصل کر سکیں۔