کبھی میں کبھی تم کی آخری قسط کہاں نشر کی جائے گی، فیصلہ ہوگیا

آخری قسط کی ریلیز

کراچی (ویب ڈیسک) اےآر وائی ڈیجیٹل کی بلاک بسٹر ڈرامہ سیریز ”کبھی میں کبھی تم“ کی آخری قسط 5 نومبر کو پاکستان بھر کے سینما گھروں کی زینت بنے گی۔

یہ بھی پڑھیں: ٹرمپ نے ایلون مسک کو سنگین نتائج کی دھمکی دے دی

حقیقت کی تصدیق

نجی ٹی وی آج نیوز کے مطابق اگرچہ سیریز کی آخری قسط کی سینما گھروں میں آنے کی خبریں کچھ دنوں سے گردش کر رہی تھیں، لیکن ذرائع نےاب تک اس کی تصدیق نہیں کی تھی۔ اے آر وائی ڈیجیٹل نے اعلان کیا ہے کہ شو کی آخری قسط بڑی سکرین پر نمائش کے لیے پیش کی جائے گی۔

یہ بھی پڑھیں: پی پی 52 سمبڑیال ضمنی الیکشن: حنا ارشد وڑائچ کی کامیابی کا نوٹیفکیشن جاری

مداحوں کا انتظار

انہوں نے کہا کہ ”پاکستان بھر کے سینما گھروں میں آخری موڑ دیکھیں۔ بکنگ اب کھلی ہوئی ہے“ اس اعلان نے گویا نیٹ ورک پرہلچل مچادی ہے۔ جس سے شو کے مداحوں میں جوش و خروش پیدا ہو گیا۔

یہ بھی پڑھیں: چین نے امریکا اور ایران کے درمیان ثالثی کی پاکستانی کوششوں کی حمایت کردی

ڈرامہ کی کہانی

ڈرامہ کی کہانی ایک متوسط طبقے کے جوڑے شرجینا اور مصطفی کی جدوجہد پر مبنی ہے۔ کہانی کا اصل آغاز مصطفیٰ کی والدہ کی جانب سے جوڑے کو بے دخل کرنے کے بعد ہوا اور انہیں کرائے کے ایک خستہ حال اپارٹمنٹ میں رہنے پر مجبور کیا گیا۔ ستم ظریفی یہ ہے کہ اب اسے بھی اس کی دولت مند بہو رباب نے بے گھر کر دیا ہے، جسے اپنے شوہر کے اپنی بہترین دوست کے ساتھ تعلقات کا پتہ چل جاتا ہے۔

یہ بھی پڑھیں: مودی کا شکریہ کہ اس نے ایک ایڈونچر سے پوری پاکستانی قوم کو یکجا کردیا: مصطفیٰ کمال

عدیل کا حال

وریں اثنا، عدیل (عماد عرفانی) اب جیل میں ہے، اور اس کی بیوی جو کہ ایک طاقتور کاروباری شخصیت ہے، نے اس کی دھوکہ دہی کے بعد معاملات کو اپنے ہاتھ میں لے لیا ہے۔

یہ بھی پڑھیں: برٹش ایشیائی کمیونٹی کے لیے قابلِ فخر لمحہ، عطا الحق کو 10 ملین میل پروجیکٹ کا برانڈ ایمبیسیڈر مقرر کر دیا گیا

شرجینا اور مصطفی کی کہانی

دوسری جانب ڈرامہ کے مرکزی کردار شرجینا (ہانیہ عامر) اور مصطفی (فہد مصطفی) اپنی آنے والی قسمت میں لکھے کا انتظار کر رہے ہیں۔ کئی ناکامیوں کے بعد، دونوں ایک دوسرے سے الگ رہ رہے ہیں کیونکہ شرجینا کو اسقاط حمل کا سامنا کرنا پڑتا ہے اور وہ اس کا الزام مصطفیٰ پر ڈالتی ہے۔

یہ بھی پڑھیں: ایبٹ آباد: ڈاکٹر کی مبینہ غفلت سے 3 بہنوں کا اکلوتا بھائی جاں بحق

پچھلے مقبول ڈرامے

اس سے قبل ’میرے پاس تم ہو‘ اور ’عشق مرشد‘ کی بڑے پیمانے پر مقبولیت کی وجہ سے آخری قسط سینما گھروں میں دکھائی جا چکی ہیں۔ اب ’کبھی میں کبھی تم‘ کا اختتام بھی شائقین کو اپنی طرف متوجہ کرے گا۔

کاسٹ کے نام

شو کی کاسٹ میں جاوید شیخ، بشریٰ انصاری، مایا خان، نعیمہ بٹ اور توثیق حیدر بھی شامل ہیں۔